ప్రగ్నెన్సీ వార్తలపై స్పందించిన అనుష్క శర్మ

బాలీవుడ్ నటి అనుష్క శర్మ గర్భవతి అంటూ గత కొద్దిరోజులుగా మీడియాలో వార్తలు హల్‌చల్ చేస్తున్నాయి. గత ఏడాది చివర్లో భారత కెప్టెన్ విరాట్ కోహ్లీని పెళ్లి చేసుకున్న అనుష్క శర్మ.. ఆ తర్వాత కూడా సినిమాలతో బిజీగా ఉంటోంది. తాజాగా ఆమె నటించిన ‘జీరో’ సినిమా ఈనెల 21న ప్రేక్షకుల ముందుకు రానుంది.

జీరో సినిమా తర్వాత అనుష్క శర్మ ఏ సినిమాలోనూ నటించేందుకు ప్రస్తుతం ఆసక్తి కనబర్చడం లేదు.. ఇప్పుడు అమె గర్భవతి అంటూ మీడియాలో కథనాలు వచ్చాయి. దీంతో.. ఆ వార్తలపై ఇటీవల జరిగిన ఓ ఇంటర్వ్యూలో అనుష్క శర్మని ప్రశ్నించగా.. అవి రూమర్స్ అంటూ కొట్టిపారేసింది.

‘ఇండస్ట్రీలో ఉన్న వారిపై ఇలాంటి రూమర్స్ రావడం మామూలే. నేను గర్భవతి అన్న వార్తల్లో ఏమాత్రం నిజం లేదు. అయినా.. పెళ్లిని దాచగలం.. కానీ.. గర్భాన్ని దాచలేం కదా..? ఎవరైనా ఏదైనా రాయచ్చు. కానీ.. నిజం తెలిసిన తర్వాత వాళ్లే సిగ్గుపడతారు’ అని అనుష్క శర్మ వెల్లడించింది.

భారత్ కెప్టెన్ విరాట్ కోహ్లి ప్రస్తుతం ఆస్ట్రేలియా పర్యటనలో ఉన్న విషయం తెలిసిందే.