బ్రేకప్‌ను సెలబ్రేట్ చేసుకుంటున్న అనుష్క

బాలీవుడ్ బ్యూటీ అనుష్క శర్మ, తన మనస్సు ఇప్పుడు రాయి చేసుకుందంట, మొఖానికి రంగు వేసుకుందట. తన ప్రియుడితో బ్రేకప్ చేసుకొని వచ్చేసా అంటూ సెలబ్రేట్ చేసుకుంటుంది. ఇది చూసి నువు మంచి పనిచేశావు, సరైన పనే చేశావు.. ఇక అతని ఫోటో తగలబెట్టెయ్, ఫోన్ చేసి బూతులు తిట్టేసి వచ్చేయ్ ఫుల్ గా పార్టీ చేసుకుందాం అని రణబీర్ కపూర్ అంటున్నాడు. వీరిద్దరూ కలిసి బ్రేకప్ పార్టీని ఎంజాయ్ చేస్తున్నారు. విషయం ఏంటంటే 'ఏ దిల్ హై ముష్కిల్' సినిమాలోంచి 'బ్రేకప్ కర్ లియా' అనే వీడియో సాంగ్ రిలీజ్ చేశారు. ఈ వీడియో సాంగ్ చూస్తే అనుష్క విషయంలో మనకు ఎక్కడో తగిలినట్లు అనిపిస్తుంది. ఎందుకంటే అనుష్క లవ్ స్టోరీ, బ్రేకప్ స్టోరీ అందరికీ తెలిసిందే.



ఐశ్వర్య రాయ్ బచ్చన్, రణబీర్ కపూర్, అనుష్క శర్మ ప్రధాన పాత్రలుగా ప్రముఖ దర్శక నిర్మాత కరణ్ జోహార్ 'ఏ దిల్ హై ముష్కిల్' సినిమాను తెరకెక్కిస్తున్నారు. ప్రేమను వేడుక చేసుకోండి, ఆ ప్రేమ విఫలమైతే వేడుక చేసుకోండి, బాధను వేడుక చేసుకోండి, స్నేహాన్ని వేడుక చేసుకోండి. అంటూ సున్నితమైన భావోద్వేగాలను చూపిస్తూ ఈ సినిమా రూపొందుతుంది.ప్రీతమ్ సంగీతం అందిస్తున్నారు. గతాన్ని మర్చిపోండి- భవిష్యత్ బాగుంటుందని చెప్తూ ఈ సినిమాలోని బ్రేకప్ సాంగ్ విడుదల చేశారు. దీపావళికి ఈ సినిమా ప్రేక్షకుల ముందుకు రానుంది. ఏ దిల్ హై ముష్కిల్- బ్రేకప్ సాంగ్