అనుష్క ‘భాగమతి’ రిలీజ్ డేట్ ఫిక్స్

స్వీటీ అభిమానులు ఎప్పుడెప్పుడా అని ఎదురు చూస్తున్న ‘భాగమతి’ మూవీ విడుదల తేదీపై అఫీషియల్ అనౌన్స్‌మెంట్ వచ్చేసింది. బాహుబలి బ్యూటీ అనుష్క లీడ్‌ రోల్‌లో చేస్తున్న ‘భాగమతి’మూవీ కొద్దిరోజుల క్రితమే సెట్స్‌పైకి వెళ్ళిన విషయం తెలిసిందే. యూవీ క్రియేషన్స్ నిర్మిస్తోన్న ఈ హిస్టారికల్ డ్రామాకు గ్రాఫిక్స్ వర్క్ జరుగుతోంది. బాహుబలి 2 మూవీతో ప్రపంచ వ్యాప్తంగా పాపులారిటీ సంపాదించిన అనుష్క అప్ కమింగ్ మూవీపై భారీ అంచనాలు ఉన్నాయి. అయితే ఈ మూవీ సంక్రాంతి కానుకగా విడుదల చేస్తున్నట్లు వార్తలు వచ్చినప్పటికీ.. తాజాగా జనవరి 26న ప్రపంచ వ్యాప్తంగా విడుదల చేస్తున్నట్లు ప్రకటించింది చిత్రయూనిట్.

అనుష్క గతంలో నటించిన అరుంధ‌తి, రుద్ర‌మ‌దేవి లేడీ ఓరియెంటెడ్ చిత్రాలతో బ్లాక్ బస్టర్ హిట్‌లను ఖాతాలో వేసుకోవడంతో తిరిగి మహిళా ప్రాధాన్యత ఉన్న చిత్రంలో నటిస్తుండటంతో ఈ ప్రాజెక్ట్‌ను ఛాలెంజ్‌గా తీసుకుని డీల్ చేస్తున్నాడు దర్శకుడు అశోక్. పిల్ల జమీందార్’ చిత్రంతో టాలీవుడ్‌తో ప్రత్యేక ఇమేజ్‌ను సంపాదించిన అశోక్.. ‘భాగమతి’ మూవీని హై టెక్నికల్ వాల్యూస్ ఉపయోగించి భారీ గ్రాఫిక్స్‌తో తెరకెక్కిస్తున్నాడు. ఇటీవల విడుదల చేసిన ‘భాగమతి’ ఫస్ట్‌లుక్ పోస్టర్‌లో అనుష్క లుక్‌కి సూపర్ రెస్పాన్స్ రావడంతో ఈ మూవీపై హైప్ మరింత రెట్టింపయ్యింది. ఈ మూవీకి తమన్ స్వరాలను సమకూర్చుతుంగా.. తెలుగు, తమిళ, మలయాళ భాషల్లో జనవరి 26న విడుదల కానుంది.