అనుష్క ‘భాగమతి’ న్యూ ఇయర్ సర్‌ప్రైజ్!

‘భాగమతి’గా అనుష్క శెట్టి మరో కొత్త లుక్‌తో వచ్చింది. ఫస్ట్‌లుక్ భయానకంగా కనిపించిన అనుష్క కొత్త సంవత్సరం కానుకగా విడుదల చేసిన పోస్టర్‌లో చాలా సాద్వికంగా కనిపిస్తోంది. పిల్ల జమీందార్ ఫేం జి అశోక్ దర్శకత్వంలో రూపొందుతున్న 'భాగమతి' టీజర్ ఇప్పటికే ఈ సినిమాపై అంచనాలను పెంచేసింది. ఎప్పటికప్పుడు సినిమాల మధ్య వ్యత్యాసం చూపించే అనుష్క ‘భాగమతి’లోనూ సరికొత్తగా కనిపించనున్నట్లు తెలుస్తోంది. తాజా పోస్టర్‌లో ఆసక్తికర విషయం ఏమిటంటే.. అందులో ‘భాగమతి’ అసలైన రూపానికి సంబంధించిన ఛాయచిత్రం కూడా కనిపిస్తోంది. అనుష్క నడుచుకుంటూ ఆ చిత్రాన్ని చూస్తున్నట్లుగా పోస్టర్లో ఉంది.

థమన్ సంగీతం అందిస్తున్న ఈ సినిమాను యూవీ క్రియేషన్స్ బ్యానర్లో వంశీ ప్రమోద్ నిర్మిస్తున్నారు. ఆది పినిశెట్టి, ఉన్ని ముకుందన్ కీలక పాత్రల్లో కనిపించనున్నారు. తెలుగు, తమిళం, మలయాళ భాషల్లో ఒకే రోజు ఈ సినిమా విడుదల కానుంది. గతేడాది బాహుబలి-2 తప్ప మరే హిట్లూ అందుకోని అనుష్క ‘భాగమతి’తో హిట్ కొడుతుందో లేదో చూడాలి.