టీజర్: కొహ్లీ భార్య భయపెట్టేసింది

ఒకవైపు ‘భాగమతి’తో సౌతిండియన్ అనుష్క తెలుగు ప్రేక్షకులను భయపెట్టేసి డబ్బులు వసూలు చేసుకుంటోంది. అనుష్క షెట్టి ప్రధాన పాత్రలో వచ్చిన ఈ సినిమా ముప్పై కోట్ల రూపాయల వసూళ్ల మార్కును దాటేసింది. తద్వారా 2018లో తొలి హిట్టును సాధించింది.

ఇక బాలీవుడ్ అనుష్క కూడా ఇప్పుడు ఒక హారర్ సబ్జెక్ట్ తోనే వచ్చింది. తాజాగా విడుదల అయిన ఆమె సినిమా ‘పరి’ టీజర్ ఆసక్తిదాయకంగా ఉంది. పక్కా హారర్ ఎంటర్ టైనర్ గా రూపొందింది ఈ సినిమా. 52 సెకన్ల టీజర్ తో అనుష్కా శర్మ హడలుగొట్టింది. అటు దెయ్యంగా తనే, భయపడుతూ కూడా తనే కనిపిస్తూ టీజర్ తో కట్టిపడేసింది అనుష్క.

‘బీ సేఫ్’ హెచ్చరికతో హోలీ సందర్భంగా మార్చి రెండో తేదీన ఈ సినిమా విడుదల కాబోతోంది. ఇప్పటికే ‘#PariTeaser’ ఇంటర్నెట్ లో ట్రెండింగ్ గా మారింది.


వీడియో కోసం ఇక్కడ క్లిక్ చేయండి...