తమిళ ‘అర్జున్ రెడ్డి’ ఆ హీరోనేనా..?

తెలుగులో సూపర్ హిట్ అయిన అర్జున్ రెడ్డి సినిమా తమిళ రీమేక్ విషయంలో ప్రధానంగా ఇద్దరు హీరోల పేర్లు వినిపిస్తున్నాయి. వారిద్దరూ కూడా ‘అర్జున్ రెడ్డి’ పాత్రను చేయడానికి ఉత్సాహంతో ఉన్నారని సమాచారం. మరి ఆ హీరోలు ఎవరంటే.. ఒకరు ధనుష్, మరొకరు ఆర్య. తెలుగువారికి సుపరిచితులు అయిన ఈ హీరోలిద్దరూ ఈ తెలుగు సినిమా రీమేక్ పట్ల ఆసక్తితో ఉన్నట్టుగా తెలుస్తోంది. కోలీవుడ్ సమాచారం ప్రకారం.. అర్జున్ రెడ్డి తమిళ వెర్షన్ కు హీరోగా ఆర్య ఖరారు అయినట్టే అని సమాచారం.

ఈ సినిమా తమిళ, మలయాళ రీమేక్ హక్కులను E4 ఎంటర్టైన్ మెంట్స్ సంస్థ సొంతం చేసుకుందని తెలుస్తోంది. తమిళ డబ్బింగ్, రీమేక్ హక్కుల కోసం పలువురు మూవీ మేకర్లు పోటీ పడగా.. చివరకు ఆ హక్కులు ఈ సంస్థకు దక్కాయని తెలుస్తోంది. ఇక హీరో విషయానికి వస్తే.. ఈ విషయంలోనూ పోటీ కనిపిస్తోంది. ఈ పాత్రను చేయడానికి శింబు ఆసక్తితో ఉన్నాడట. కానీ.. అతడికి వేర్వేరు కమిట్ మెంట్స్ తో డేట్స్ అడ్జస్ట్ అయ్యే అవకాశం లేదని తెలుస్తోంది. ఈ నేపథ్యంలో ఆర్యకు ఈ పాత్ర దక్కే అవకాశం ఉందని, అతడు హీరోగా ఈ సినిమా తెరకెక్కే అవకాశం ఉందని తెలుస్తోంది.

ఇదే నిర్మాణ సంస్థ అర్జున్ రెడ్డి సినిమాను మలయాళంలో కూడా రీమేక్ చేయనుందని సమాచారం. తమిళ వెర్షన్ నే మలయాళంలోకి డబ్ చేయడం లేదా, అక్కడ మరో హీరోతో రీమేక్ చేయనున్నారని తెలుస్తోంది.