Artist Posani Krishna Murali Speaks About His Rapport With Ap Cm Jagan Mohan Reddy And Chiranjeevi
జగన్ అవకాశం ఇచ్చారు, చిరంజీవి బలవంతంగా ఒప్పించారు: పోసాని కృష్ణ మురళి
ఏపీ సీఎం జగన్మోహన్ రెడ్డి తనకు మూడు సార్లు అవకాశం ఇచ్చారని అంటున్నారు ప్రముఖ నటుడు పోసాని కృష్ణ మురళి. తనకు రాజకీయాల్లోకి వెళ్లే ఉద్దేశం లేకపోవడంతో ఆ అవకాశాలను వదులుకున్నానని అంటున్నారు. ‘జబర్దస్త్’ కామెడీ షోకి, ‘బతుకు జట్కా బండి’కి జడ్జ్గా వ్యవహరించడంపై ఆసక్తికర విషయాలను పంచుకున్నారు.
Samayam Telugu17 Jan 2020, 3:22 pm
ఏపీ సీఎం జగన్మోహన్ రెడ్డి తనకు మూడు సార్లు అవకాశం ఇచ్చారని అంటున్నారు ప్రముఖ నటుడు పోసాని కృష్ణ మురళి. తనకు రాజకీయాల్లోకి వెళ్లే ఉద్దేశం లేకపోవడంతో ఆ అవకాశాలను వదులుకున్నానని అంటున్నారు. ‘జబర్దస్త్’ కామెడీ షోకి, ‘బతుకు జట్కా బండి’కి జడ్జ్గా వ్యవహరించడంపై ఆసక్తికర విషయాలను పంచుకున్నారు.
అది జగనన్న అభిమానం
‘‘ఆంధ్రప్రదేశ్ ముఖ్యమంత్రి జగన్మోహన్ రెడ్డి నాపై ప్రత్యేక అభిమానాన్ని చూపించారు. నాకు మూడు సార్లు అవకాశం ఇచ్చారు. కానీ నాకు ఆసక్తి లేదని చెప్పా. మెగాస్టార్ చిరంజీవి గారు ప్రజారాజ్యం పార్టీ పెట్టాక నన్ను బలవంతంగా ఒప్పించి మరీ ఎమ్మెల్యే టికెట్ ఇచ్చారు. నేను మాత్రం ఆయన్ను వెళ్లి అడగలేదు. నిజాయితీగా పనిచేశా.. ఆ ఎన్నికల్లో ఓడిపోయా.. ఇది వాస్తవం’’
ఆర్టిస్ట్గా ఉంటేనే బెటర్
‘‘నాకు రచయితగా ఉండటం కంటే ఆర్టిస్ట్గా ఉండటమే ఇష్టం. ఎందుకంటే రచయితగా అయితే పగలు రాత్రి కష్టపడాలి. ఏదన్నా డైలాగులు రాసిన తర్వాత అవి బాగోలేకపోతే రాత్రంతా కూర్చుని ఆలోచించాలి. అదే ఆర్టిస్ట్ అయితే డైరెక్టర్ రాసిన పేపర్లో డైలాగులు చదివి యాక్ట్ చేసేయొచ్చు. అయితే నాకు ఇచ్చిన డైలాగులు, సన్నివేశాల్లో నటించడం వరకే నా పని. అంతేకానీ అది బాలేదు ఇది బాలేదు అని మాత్రం ఏనాడూ చెప్పలేదు. ఎందుకంటే అది నా పని కాదు’’
నేను అంత దరిద్రంగా చేస్తానా అని అడిగా
‘‘ఇక ‘జబర్దస్త్’లో నన్ను అనుకరిస్తూ ఓ స్కిట్ కూడా చేశారు. నేను ఇంత చండాలంగా చేస్తానా అని సరదాగా పంచ్ కూడా వేశాను. ఒక ఆర్టిస్ట్ను ఇతరులు మిమిక్రీ చేస్తున్నారంటే ఎంతో పుణ్యం చేసుకుని ఉండాలి. నన్ను ఎవరైనా ఇమిటేట్ చేస్తే నేను చాలా సంతోషిస్తా. అయితే నేను మాత్రం ఇతరులను కించపరిచే విధంగా ఎలాంటి కామెంట్స్ చేయను, ఎలాంటి పంచ్లు వేయను. నేను ఇండస్ట్రీకి వచ్చినప్పుడే ఆయన నియమం పెట్టుకున్నాను. నాతో ‘జబర్దస్త్’ వారే కాదు సినీ పరిశ్రమలో ఉన్నవారంతా ఫ్రెండ్లీగానే ఉంటారు’’
అలాగైతే ‘బతుకు జట్కా బండి’ చేయను అని చెప్పాను
‘‘నేను సీరియల్స్లో కూడా నటించాను. ‘బతుకు జట్కా బండి’ ప్రోగ్రామ్ను నన్ను రోజమ్మ పక్కన జడ్జ్గా ఉండాలని అడిగారు. అయితే ఈ ప్రోగ్రామ్ గురించి జనాల్లో ఓ టాక్ ఉంది. డబ్బులిచ్చి వారిని స్టే్జ్పైకి తీసుకొస్తారని, నవ్వమన్నప్పుడు నవ్వాలి, ఏడవాలి అని చెప్పినప్పుడు ఏడవాలి అని రూల్స్ పెడతారని టాక్ ఉంది. అలాగుంటే అసలు ఆ ప్రోగ్రామే చేయనని చెప్పేశా. అయితే నేను ఈ షోకు సంవత్సరం కాంట్రాక్ట్కు సంతకం చేశా. నేను జడ్జ్గా చేస్తున్నంతవరకు నిజంగానే సమస్యలతో బాధపడుతున్నవారు వచ్చారు. వారిలో చాలా మంది ఓదార్చాను. నా వంతు సాయం చేశాను’’
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.