టీజర్‌తో ఆసక్తి రేపిన గౌత‌మ్ మీన‌న్..

‘ఏం మాయ చేసావే’ లాంటి సినిమాల ద్వారా యువతపై ప్రత్యేకమైన ముద్ర వేసిన డైరెక్టర్ గౌతమ్ వాసుదేవ్ మీనన్. ఇప్పుడు ఆయన నిర్మాతగా తెరకెక్కుతోన్న చిత్రం ‘నరగసూరన్’. అరవింద్ స్వామి, సందీప్ కిషన్, శ్రీయ, ఇంద్రజిత్ సుకుమారన్, ఆత్మిక కీలక పాత్రల్లో నటించిన ఈ సినిమాను ‘న‌ర‌కాసురుడు’ అనే టైటిల్‌తో తెలుగులో విడుద‌ల చేస్తున్నారు. చిత్ర బృందం తాజాగా శనివారం (నవంబర్ 25) ఈ సినిమా టీజర్‌ను విడుదల చేసింది.

గతంలో మాఫియా డాన్ పని చేసిన ఓ వ్యక్తి చుట్టూ అల్లుకున్న కథతో ఈ సినిమాను తెరకెక్కిస్తున్నట్లు తెలుస్తోంది. టీజర్‌లో చూపెట్టిన థ్రిల్లర్ తరహా సన్నివేశాలు చిత్రంపై ఆసక్తిని పెంచుతున్నాయి. ఎలాంటి డైలాగ్స్ లేకుండా పూర్తిగా ఎమోషన్స్‌తోనే చెప్పాల్సిన విషయం చెప్పేశారు. దీంతో పాటు బ్యాక్ గ్రౌండ్ స్కోర్‌, విజువ‌ల్స్ మరింత ఇంటరెస్ట్ కలిగిస్తున్నాయి.

థ్రిల్ల‌ర్ సస్పెన్స్ నేపథ్యంలో రూపొందిస్తున్న ఈ చిత్రానికి కార్తిక్ నారేన్ ద‌ర్శ‌క‌త్వం వహిస్తున్నాడు. సంక్రాంతి కానుకగా ఈ చిత్రాన్ని ప్రేక్షకుల ముందుకు తీసుకురానున్నారు.