టాలీవుడ్, శాండిల్ వుడ్‌లలో పాటలతో ప్ర‌త్యేక‌మైన గుర్తింపు సంపాదించుకున్న సింగర్ మంగ్లీ. ఈమెకు కర్ణాటకలో చేదు అనుభ‌వం ఎదురైంది. ఆమె ప్ర‌యాణిస్తున్న కారుపై రాళ్ల దాడి జ‌రిగింది. అందుకు కారణమేంటంటే...
Authored byతుమ్మల మోహన్ | Samayam Telugu22 Jan 2023, 6:30 pm
టాలీవుడ్ స‌హా క‌న్న‌డ‌లోనూ ప‌లు పాట‌లు పాడి త‌న‌కంటూ ప్ర‌త్యేక‌మైన గుర్తింపు సంపాదించుకున్న లేడీ సింగర్ మంగ్లీ. ఈమెకు కర్ణాటకలో చేదు అనుభ‌వం ఎదురైంది. ఆమె ప్ర‌యాణిస్తున్న కారుపై రాళ్ల దాడి జ‌రిగింది. అసలేం జరిగింద‌నే వివ‌రాల్లోకి వెళితే.. బ‌ళ్ళారి మున్సిప‌ల్ క‌ళాశాల మైదానంలో బ‌ళ్ళారి ఫెస్టివ్ జ‌రిగింది. ఈ కార్యక్రమంలో ఆమె ముఖ్య అతిథిగా హాజ‌ర‌య్యారు. ఇదే ఈవెంట్‌లో పునీత్ రాజ్కుమార్ స‌తీమ‌ణి అశ్విని, సీనియ‌ర్ యాక్ట‌ర్ రాఘ‌వేంద్ర రాజ్కుమార్, త‌దిత‌రులు ముఖ్య అతిథులుగా హాజ‌ర‌య్యారు. ఫంక్ష‌న్ ముగిసిన త‌ర్వాత మంగ్లీ కారులో బ‌య‌లుదేరింది. అయితే అదే స‌మ‌యంలో ఆమె కొంద‌రు రాళ్ల దాడి చేశారు. అంటే మంగ్లీ కన్నడలో మాట్లాడకపోవటమే ఈ దాడికి కారణమని తెలుస్తుంది.
Samayam TeluguSinger Mangli, సింగర్ మంగ్లీ
అసలు ఆమెపై కన్నడిగులు రాళ్ల దాడి చేయటం వెనుక ఓ కారణముంది. కొన్ని రోజుల ముందు చిక్‌బళ్లాపూర్‌లో ఓ కార్యక్రమంలో మంగ్లీ పాల్గొంది. అందులో ఆమెను కర్ణాటకలో మాట్లాడాలంటూ యాంకర్ కోరగా.. మంగ్లీ పెద్దగా కన్నడలో మాట్లాడటానికి ఆసక్తి చూపించలేదు. బలవంతం చేస్తే రెండు, మూడు ముక్కలు మాత్రమే మాట్లాడింది. ఎక్కువ భాగం తెలుగులోనూ మాట్లాడింది. దానికి సంబంధించిన వీడియో అప్పుడు నెట్టింట వైరల్ అయ్యింది. అప్పుడు నెటిజన్స్ కూడా తీవ్ర వ్యతిరేకతను వ్యక్తం చేశారు.
సింగ‌ర్‌గానే మ‌న‌కు తెలిసిన ఈమె త్వ‌ర‌లోనే హీరోయిన్‌గా మెప్పించ‌నుంది. నిజానికి మంగ్లీకి న‌ట‌న ఏం కొత్త కాదు. ఆమె సింగ‌ర్‌గా రాణిస్తూనే న‌టిగానూ మెప్పించింది. స్వేచ్ఛ, గువ్వ గోరింక సినిమాతో పాటు నితిన్ హీరోగా నటించిన మ్యాస్ట్రో సినిమాలోనూ మంగ్లీ కీల‌క పాత్ర‌లో నటించిన సంగ‌తి తెలిసిందే. అయితే ఇప్ప‌టి వ‌ర‌కు న‌టిగా కీల‌క పాత్ర‌ల్లోనే నటించిన ఈమె.. ఇప్పుడు క‌థానాయిక‌గా మార‌నుంది. అది కూడా పాన్ ఇండియా సినిమాతో. వివ‌రాల్లోకి వెళితే.. మంగ్లీ ఓ పాన్ ఇండియా సినిమాలో నాయిక‌గా క‌నిపించ‌నుంది. చక్ర‌వ‌ర్తి చంద్ర‌చూడ్ ద‌ర్శ‌క‌త్వంలో ‘పాదరాయ’ అనే సినిమా తెర‌కెక్క‌నుంది. ఈ చిత్రంతో మంగ్లీ క‌థానాయిక‌గా మార‌నుంది. రీసెంట్‌గానే ఈ సినిమా టైటిల్‌ను బెంగళూరులో రివీల్ చేశారు.
మోహన్ కుమార్ తుమ్మల సమయం తెలుగులో డిజిట‌ల్ కంటెంట్ ప్రొడ్యూస‌ర్‌గా ప‌ని చేస్తున్నారు. ఇక్కడ సినిమాల‌కు సంబంధించిన అప్డేట్స్, వార్తలను రాస్తుంటారు. మోహన్ కుమార్‌కి సినీ జ‌ర్న‌లిజంలో 10 ఏళ్ల అనుభ‌వం ఉంది. గ‌తంలో ప్ర‌ముఖ మీడియా సంస్థ‌ల్లో సినీ జ‌ర్న‌లిస్టుగా వ‌ర్క్ చేశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
