అయేషా టకియా ప్లాస్టిక్ సర్జరీ కలిసొచ్చేనా?

అక్కినేని నాగార్జున సరసన 'సూపర్' సినిమాలో నటించిన అయేషా టకియా అందరికీ గుర్తుండే ఉంటుంది. ఆ సినిమా తరువాత బాలీవుడ్‌లో బిజీ అయిపోయిన ఈ భామ అప్పట్లో బాగానే పాపులర్ అయింది. గతంలో ఆమె తన శరీరానికి సంబంధించి ఓ ప్లాస్టిక్ సర్జరీ చేయించుకుంది. ఇప్పుడు మరోసారి అదే తప్పు చేసి గుర్తుపట్టలేని విధంగా మారింది.

అయేషా ముఖం మీద ప్లాస్టిక్ సర్జరీ పేరుతో చేసిన ప్రయత్నం విఫలమైనట్టు తెలుస్తోంది. పెళ్లయ్యి, ఓ బిడ్డకు తల్లయిన అయేషా ఇప్పుడు సినిమాల మీద దృష్టి పెట్టింది. ఇందులో భాగంగా ఇటీవల ఓ ఫ్యాషన్ షోకు హాజరైంది అయేషా. అయితే ఆమెను చూసిన వారందరూ ఒక్కసారిగా షాక్ అయ్యారట. అసలు అయేషాకు ఏమైంది.. అందంగానే ఉంటుంది కదా.. ప్లాస్టిక్ సర్జరీ చేయించుకొని ఎందుకిలా అందవికారంగా మారిందని చర్చించుకుంటున్నారట.

ఈ విషయంలో ఇప్పటివరకు అయేషా రియాక్ట్ కాకపోవడం చూస్తుంటే.. బహుశా తన అందం పట్ల ఆమె కాన్ఫిడెంట్‌గా ఉందనిపిస్తోంది. మరోవైపు ఇప్పటికే అయేషాపై సోషల్ మీడియాలో సెటైర్లు కూడా మొదలైపోయాయి. మరి ఇలాంటి పరిస్థితుల్లో అయేషాకు అవకాశం ఇచ్చే దర్శకుడు ఎవరో చూడాలి.