బాహుబలి 2 మైండ్ బ్లోయింగ్ మూవీ: మహేష్

బాహుబలి 2 మూవీ పై సినీ ప్రముఖుల అభినందనలు వెల్లువెత్తుతునే ఉన్నాయి. ఇప్పటికే ఎన్టీఆర్, కళ్యాణ్ రామ్, నాని, నాగార్జున, రామ్ గోపాల్ వర్మ, సాయి ధరమ్ తేజ్, నిఖిల్, నివేదాథామస్, రాధిక ఆప్టే ప్రశంసలతో ముంచెత్తగా తాజాగా మహేష్ బాబు బాహుబలి 2 మూవీ మైండ్ బ్లోయింగ్అంటూ ట్వీట్ చేశారు.

‘బాహుబలి 2 మూవీ సినిమాతో మాస్టర్ స్టోరీ టెల్లర్ ఈజ్ బ్యాక్’ అని రాజమౌళి ఉద్దేశించి ప్రిన్స్ చేసిన ట్వీట్స్ ఆకట్టుకుంటున్నాయి. దర్శకుడు రాజమౌళికి హ్యాంట్సాఫ్ అంటూ.. చిత్ర యూనిట్‌పై ప్రశంసలు కురిపించారు.

Mind boggling stuff, a game changer! Hats off to @ssrajamouli and the entire team! — Mahesh Babu (@urstrulyMahesh) April 29, 2017
The master storyteller is back! #Baahubali2 is an event film which exceeds expectations! — Mahesh Babu (@urstrulyMahesh) April 29, 2017
జూనియర్ ఎన్టీఆర్ బాహుబలి 2 ఓ అత్యుత్తమ దృశ్య కావ్యం అని ట్వీట్ చేయగా.. ఇప్పుడు తెలుసుకోవాల్సింది కట్టప్ప బాహుబలిని ఎందుకు చంపాడు అని కాదు... అసలు 'బాహుబలి-2'ని ఇంత గొప్పగా రాజమౌళి ఎలా తెరకెక్కించారో తెలుసుకోవాలి' అని కల్యాణ్ రామ్ ట్వీట్స్ చేశారు.

"నువ్వు మా పక్కన వున్నంతవరకు తెలుగు సినిమా గురించి మాట్లాడే మగాడు ఇంకా పుట్టలేదు ఎస్ఎస్ రాజమౌళి మామ" అంటూ హీరో నాని తన వాక్చాతుర్యంతో రాజమౌళిని ఆకాశానికెత్తేశాడు.