త్వరలో సెట్స్ పైకి ‘బాహుబలి 3’!!

‘బాహుబలి 3’ ఉండదని రాజమౌళి ఇటీవల స్పష్టత ఇచ్చిన సంగతి తెలిసిందే. అయితే, ‘బాహుబలి 3’ తీస్తే పెట్టుబడి పెట్టేందుకు తాము సిద్ధంగా ఉన్నామని, దీనిపై పునరాలోచించాలని బాలీవుడ్ నిర్మాత కరణ్ జోహార్‌ రాజమౌళిపై ఒత్తిడి తెస్తున్నారు. ఈ నేపథ్యంలో బాహుబలి కథ రచయిత, రాజమౌళి తండ్రి విజయేంద్ర ప్రసాద్ పార్ట్‌ 3 కథను సిద్ధం చేస్తున్నట్లు తెలిసింది. ‘బాహుబలి - 3’ తీసే ఉద్దేశం ఉన్నట్లు రాజమౌళి రెండేళ్ల కిందటే స్పష్టత ఇచ్చారు.

2015లో రాజమౌళి, విజయేంద్ర ప్రసాద్‌లు ‘టీవీ-9’కి ఇచ్చిన ఇంటర్వూలో ఈ విషయం వెల్లడించారు. అప్పటికి రాజమౌళి ‘బాహుబలి -2’ సినిమాలో బిజీగా ఉన్నారు. ఈ సందర్బంగా ఆయనకు పార్ట్ 3 తీసే ఆలోచన ఉన్నట్లు తెలిపారు. విజయేంద్ర ప్రసాద్ 4, 5 పార్టులు కూడా ఉంటాయని తనకు తెలుసని అన్నారు.

అయితే, ‘బాహుబలి -2’ విడుదల తర్వాత రాజమౌళి... పార్ట్ 3 ఉండదని స్పష్టం చేశారు. కథ సిద్ధం కాకుండా పార్ట్ 3 ఉంటుందని ప్రకటిస్తే.. ప్రజలను మోసం చేసినట్లవుతుందని తెలిపారు. తాజాగా ‘బాహుబలి -2’కు ప్రపంచవ్యాప్తంగా ఆధరణ లభిస్తున్న నేపథ్యంలో కరణ్ జోహర్ ‘పార్ట్ 3’ నిర్మించేందుకు సిద్దంగా ఉన్నట్లు రాజమౌళికి చెప్పారు.

ఇటీవల రాజమౌళి లండన్‌ వెళ్లినప్పుడు నిర్మాత శోభు యార్లగడ్డ కూడా ఆయనతో తొలిసారిగా ‘పార్ట్ 3’పై చర్చించినట్లు DNA పత్రిక వెల్లడించింది. ఇందుకు రాజమౌళి సానుకూలంగా స్పందించారని, ఈ మేరకు రచయిత విజయేంద్ర ప్రసాద్ కథ తయారు చేసే పనిలో ఉన్నారని తెలిసింది. సో, త్వరలోనే ‘బాహుబలి 3’ సెట్స్ పైకి రావాలని ఆశిద్దాం.

‘బాహుబలి 3’ ఉంటుందని రాజమౌళి స్వయంగా చెప్పిన వీడియో ఇదే...



Video Courtesy: TV9 Telugu