ప్రభాస్ కోసం రాజమౌళి స్పెషల్ పార్టీ!

సినిమా ప్రచార కార్యక్రమాల్లో తప్ప బయట పార్టీలలో, ఫంక్షన్స్‌లో ఎక్కడా పెద్దగా కనిపించని రాజమౌళి ఇప్పుడు ప్రభాస్ కోసం పెద్ద పార్టీ ఏర్పాటు చేయనున్నట్లు ఫిల్మ్ నగర్ టాక్. అపజయమెరుగని దర్శకుడిగా దూసుకుపోతున్న రాజమౌళి 'బాహుబలి' సినిమాతో తెలుగు సినిమా స్థాయిని ప్రపంచానికి పరిచయం చేశాడు. వివిధ ప్రాంతీయ భాషలతో పాటు చైనాలో కూడా ఈ చిత్రాన్ని రిలీజ్ చేసి భారీ విజయాన్ని అందుకున్నాడు.

ఇప్పుడు ఆ చిత్రానికి కొనసాగింపుగా 'బాహుబలి ది కన్‌క్లూజన్' చిత్రాన్ని రూపొందిస్తున్నాడు. త్వరలోనే ఈ సినిమా షూటింగ్ పూర్తి కానుంది. టెక్నికల్ వర్క్స్, గ్రాఫిక్స్ వర్క్ మొత్తం పూర్తి చేసి వచ్చే ఏడాది ప్రేక్షకుల ముందుకు ఈ చిత్రాన్ని తీసుకురానున్నారు. ఈలోగా రాజమౌళి తనకు ఎంతగానో సహకరించిన ప్రభాస్ కోసం గ్రాండ్‌గా పార్టీ నిర్వహించి, కృతజ్ఞతలు చెప్పాలనుకుంటున్నాడట. ఈ కార్యక్రమానికి సినీ ప్రముఖులు హాజరు కానున్నట్లు చెప్పుకుంటున్నారు.