ప్రభాస్ పెళ్లిపై స్పందించిన కృష్ణంరాజు భార్య

సినీపరిశ్రమలో కానీ మీడియా సర్కిల్స్‌లో కానీ ప్రభాస్ పెళ్లి ఎప్పుడూ టాక్ ఆఫ్ ది టౌనే! ఇంకా చెప్పాలంటే అదో పెద్ద మిస్టరీ. ఎవ్వరికీ జవాబు దొరకని ప్రశ్న. బాహుబలికి ముందు బాహుబలి తర్వాత ఎన్నోసార్లు ప్రభాస్ పెళ్లి గురించి మీడియాలో వార్తలొచ్చాయి కానీ అవన్నీ వార్తలకే పరిమితం అయ్యాయి. బాలీవుడ్‌లో సల్మాన్ ఖాన్ తర్వాత మళ్లీ అంత ఎక్కువగా జనం డిస్కస్ చేసుకుంది ప్రభాస్ పెళ్లి గురించే అనడంలో అతిశయోక్తి లేదేమో!

అయితే, తాజాగా ఇదే విషయం గురించి ప్రభాస్ పెదనాన్న, పెద్దమ్మ అయిన కృష్ణంరాజు జంటని అడిగితెలుసుకునే ప్రయత్నం చేసింది బాహుబలి 2 ప్రి రిలీజ్ ఫంక్షన్ వద్ద వున్న మీడియా. బాహుబలి-2 ప్రి రిలీజ్ ఫంక్షన్ వద్ద మీడియా అడిగిన ఈ ప్రశ్నకి స్పందించిన కృష్ణంరాజు భార్య శ్యామలాదేవి.. కట్టప్ప బాహుబలిని ఎందుకు చంపాడు అనేది ఎంత పెద్ద సస్పెన్సో ప్రభాస్ పెళ్లి కూడా అంతే పెద్ద సస్పెన్స్ అని బదులిచ్చారు. ప్రస్తుతం తమ కుటుంబం బాహుబలి సక్సెస్ ని ఎంజాయ్ చేస్తోంది. బాహుబలి తర్వాతే ప్రభాస్ పెళ్లి వుంటుంది కొద్దిపాటి వివరణ మాత్రమే ఇచ్చి అసలు జవాబు చెప్పకుండా తప్పించుకున్నారామె.