బాహుబలికి పెళ్లంట!!

బహుశా బాలీవుడ్‌లో సల్మాన్ ఖాన్ తర్వాత మళ్లీ అంతటిరేంజ్‌లో సౌతిండియాలో పెళ్లి వార్తలతో న్యూస్ హెడ్‌లైన్స్‌లో నిలిచిన ఓ స్టార్ హీరో ఎవరైనా వున్నారా అంటే అది మన 'బాహుబలి' స్టార్ ప్రభాసే అని మీడియా అంతా కోడైకూస్తోంది! ఎందుకంటే ప్రభాస్ పెళ్లి వార్తలు అంత కామన్ అయ్యాయి మరి! తాజాగా ప్రభాస్ పెళ్లి మరోసారి వార్తల్లోకెక్కింది. బాహుబలి-2 ఈ ఏడాది ఏప్రిల్ 28న రిలీజ్ కానుండగా ఆ తర్వాత ఈ ఏడాది చివర్లోగా ప్రభాస్ పెళ్లి చేసుకోనున్నాడనే ప్రచారం మళ్లీ ఊపందుకుంది.

ప్రభాస్ పెళ్లి గురించి వస్తున్న పలు వార్తా కథనాల ప్రకారం.. ఈ ఏడాది చివర్లో ప్రభాస్ పెళ్లి కానుందని తెలుస్తోంది. ప్రభాస్‌కి పెళ్లిపై ఇంకా అంతగా ఆసక్తి లేనప్పటికీ.. ప్రభాస్ పేరెంట్స్ ఈ విషయంలో అతడిపై చాలా ఒత్తిడి తీసుకువస్తున్నట్టుగా సమాచారం. అయితే, ప్రభాస్ మాత్రం ఎప్పటిలాగే తన పెళ్లి విషయంపై ఊసెత్తకుండా జాగ్రత్తపడుతున్నాడు. అందుకు ఓ కారణం లేకపోలేదట. బాహుబలి-2 రిలీజ్ కావాల్సి వున్న సమయంలో తన పెళ్లిపై నోరు విప్పితే, ఇక మీడియాలో బాహుబలి-2 కన్నా తన పెళ్లి గురించే కథనాలు మొదలవుతాయని, ఫలితంగా మీడియా ఫోకస్ అంతా సినిమాకన్నా తనపైనే వుంటుందనేది ప్రభాస్ ఆలోచన అనేది ఆయా కథనాల సారాంశం. ఇందులో ఎంత నిజం వుందనేది ఇక కాలమే చెప్పాలి మరి!