ఇలా అయితే రానా పెళ్లి కష్టమే సుమీ!

'బాహుబలి' చిత్రంతో రానా నేషనల్ స్టార్‌గా మారారు. తెలుగులోనే కాకుండా హిందీ, తమిళ భాషల్లో సినిమాలు చేస్తూ బిజీ హీరోగా మారిపోయాడు. అయితే రానా మీడియా ముందుకు ఎప్పుడు వచ్చినా.. ఎదురయ్యే ప్రశ్న 'పెళ్ళెప్పుడు చేసుకుంటున్నారు..?' అని ప్రతిసారి ఏదోకటి చెప్పి తప్పించుకుంటూ ఉంటాడు. అయితే మరి ఇంట్లో రానాను పెళ్లి విషయంలో ఇబ్బంది పెట్టడం లేదా..? అదే విషయాన్ని రానా వద్ద ప్రస్తావించగా.. సరదా సమాధానాలు చెప్పుకొచ్చాడు.

అసలు ఇంట్లో వాళ్లకు దొరక్కుండా తప్పించుకుంటున్నాడట రానా. వారంలో నాలుగైదు రోజులు బయటే ఉండడంతో ఇంట్లో వాళ్లకు అసలు సమయం దొరకడం లేదని, ఉన్న ఒకట్రెండు రోజులు కూడా బిజీగా ఉంటూ కనిపిస్తుండడంతో వాళ్ళు పాపం వీడు చాలా బిజీగా ఉంటున్నాడు.. ఈ టైంలో కూడా వీడిని పెళ్లి గురించి అడిగి విసిగించడం ఎందుకులే అని ఇంట్లో వాళ్ళు వదిలేశారని చెప్పుకొచ్చాడు రానా.

స్నేహితుల దగ్గర కూడా ఈ టాపిక్ రాకుండా జాగ్రత్తలు పడుతున్నానని అన్నారు. ఇప్పట్లో రానాకు పెళ్లి చేసుకునే ఆలోచన లేనట్లుగా వెల్లడించారు. మొత్తానికి పెళ్లి నుండి తప్పించుకునేందుకు భల్లాలదేవుడి దగ్గర భలే చిట్కాలు ఉన్నాయే.. చూద్దాం ఇంకెంత కాలం తప్పించుకుంటాడో!