ఆడియెన్స్ ముందుకు బాహుబలి యానిమేటెడ్ సిరీస్ ట్రైలర్

బాహుబలి సినిమా సృష్టించిన సంచలనం ఆ సినిమాలకే పరిమితం కాదు అని ప్రకటించిన దర్శకుడు ఎస్.ఎస్. రాజమౌళి ఇవాళ తన కొత్త ప్రయోగానికి సంబంధించిన ఓ ట్రైలర్ వీడియోను రిలీజ్ చేశారు. బాహుబలి: ద లాస్ట్ లెజెండ్స్ పేరిట అమేజాన్.ఇన్, ఇండియా గ్రాఫిక్స్, ఆర్కా మీడియా సంయుక్తంగా నిర్మించనున్న బాహుబలి యానిమేటెడ్ సిరీస్‌కి సంబంధించిన ట్రైలర్‌ని ముందుగా ప్రకటించినట్టుగానే శనివారం అమేజాన్.ఇన్ ప్రైమ్ వీడియో ప్లాట్‌ఫామ్‌పై రిలీజ్ చేశారు. యువరాజు బాహుబలిగా ఎలా ఎదిగాడు అనే సందర్భం నుంచి రాజ్యాన్ని తిరిగి ఎలా చేజిక్కించుకున్నాడు అనే ఇత్యాది అంశాలు ఈ యానిమేటెడ్ సిరీస్‌లలో నిక్షిప్తం కానున్నట్టు సమాచారం. మొత్తానికి ఆడియెన్స్‌ని ఈ యానిమేటెడ్ సిరీస్‌లతో ఎవ్వరి ఊహకి అందనంత కొత్త లోకంలోకి తీసుకెళ్లడం ఖాయం అని రాజమౌళి చెప్పినట్టుగానే అనిపించింది ఈ ట్రైలర్. మరి బాహుబలి చిత్రంలాగే ఈ యానిమేటెడ్ సిరిస్ కూడా సంచలనాలకి వేదికవుతుందా లేదా తెలియాలంటే అవి రిలీజ్ అయ్యే వరకు వేచిచూడాల్సిందే.

బాహుబలి: ద లాస్ట్ లెజెండ్స్ ట్రైలర్ కోసం ఈ కింది లింక్ క్లిక్ చేయండి.

http://www.amazon.in/b/ref=in-pr-pin?node=10882806031