తన పెళ్లి వార్తలపై ప్రభాస్ షాకింగ్ రియాక్షన్!

ప్రభాస్ పెళ్లి వార్తలు ఇవాళ కొత్తవి కావు. ప్రభాస్ త్వరలోనే పెళ్లి చేసుకోబోతున్నాడు అంటూ గతంలో ఎన్నోసార్లు వార్తలు హెడ్‌లైన్స్‌లో నిలిచాయి. కానీ అవేవీ వాస్తవం కాదని తర్వాత తేలిపోయింది. అయినా సరే ప్రభాస్ పెళ్లిపై రూమర్స్‌కి మాత్రం అంతం వుండటంలేదు. బాహుబలి 2 షూటింగ్ అయిపోగానే ప్రభాస్ పెళ్లి చేసుకోనున్నాడని ఇటీవల వార్తలొచ్చాయి. అయితే, బాహుబలి-2 ప్రీ రిలీజ్ ఈవెంట్‌లో పాల్గొన్న సందర్భంగా ప్రభాస్ పెదనాన్న కృష్ణంరాజు ఈ పెళ్లి వార్తలపై స్పందిస్తూ.. బాహుబలి-2 సినిమా రిలీజైన తర్వాతే ప్రభాస్ పెళ్లి వుంటుందని ప్రకటించారు.

మరో రెండు వారాల్లో బాహుబలి-2 రిలీజ్ కానున్న నేపథ్యంలో మరోసారి ప్రభాస్ పెళ్లి వార్తలు టాక్ ఆఫ్ ది టౌన్ అయ్యాయి. తాజాగా బాహుబలి-2 ప్రమోషన్స్‌లో పాల్గొన్న ప్రభాస్.. మాత్రం తన పెళ్లిపై మరో రకమైన జవాబు ఇచ్చారు. తాను పెళ్లి ఎప్పుడు చేసుకుంటానో ఏంటో అనేది తనకే ఇంకా తెలియదు అని బదులిచ్చాడు ప్రభాస్. బాహుబలి స్టార్ ఇచ్చిన ఈ సమాధానం చూస్తోంటే... ఇప్పుడప్పుడే ప్రభాస్ పెళ్లి చూసేలా లేమని అతడి ఫ్యాన్స్ ఫీలవుతున్నారు.

బాహుబలి సినిమా గురించి చెబుతూ.. 'తాను తన జీవితంలో ఆటోబయోగ్రఫీ రాస్తానో లేదో తెలియదు కానీ.. ఒకవేళ తాను ఆటోబయోగ్రఫీ రాసినట్టయితే, అందులో అధిక భాగం ఈ బాహుబలి గురించే ప్రస్తావించాల్సి వుంటుంది' అని చెప్పి ఆ సినిమాకు తాను ఇస్తున్న ప్రాధాన్యతని చాటుకున్నాడు ప్రభాస్.