డాన్ లుక్‌లో బాలయ్య.. తట్టుకోలేరు!

నందమూరి బాలకృష్ణ, పూరిజగన్నాథ్ ఈ కాంబినేషన్‌లో సినిమా అంటే ఎలా ఉంటుందో అని అభిమానులు అందరూ ఆత్రంగా ఎదురుచూస్తున్నారు. ప్రస్తుతం ఈ సినిమా షూటింగ్ పోర్చుగల్‌లో జరుగుతోంది. అయితే అక్కడ నుండి బాలయ్య లుక్‌కు సంబంధించిన ఫోటో ఒకటి ఆన్ లైన్‌లో ప్రత్యక్షమైంది.

గెడ్డంతో, వెరైటీ హెయిర్ స్టైల్‌తో డాన్ మాదిరి కనిపిస్తోన్న బాలయ్య లుక్ ఇప్పుడు వైరల్ అవుతోంది. తెరపై ఆయన లుక్ మరింత గొప్పగా ఉంటుందని యూనిట్ మెంబర్స్ అంటున్నారు. మొత్తానికి బాలయ్య కమర్షియల్ యాంగిల్‌లో కొత్తగా ప్రయత్నిస్తున్నాడనే చెప్పాలి.

ఈ సినిమాకు 'ఉస్తాద్' అనే టైటిల్‌ను పరిశీలిస్తున్నారు. ఈ సినిమాలో బాలయ్య రెండు డిఫరెంట్ గెటప్స్‌లో కనిపించబోతున్నాడు. ఒకటి సాధారణంగా కనిపించే హీరో పాత్ర కాగా మరొకటి డాన్ పాత్ర అని తెలుస్తోంది. ఈ సినిమా పోర్చుగల్ నేపధ్యంలో సినిమా బ్యాక్ డ్రాప్ ఉంటుంది.

బాలయ్య సరసన శ్రియ జంటగా కనిపించబోతోంది. సినిమా అన్ని కార్యక్రమాలు పూర్తి చేసుకొని దసరా కానుకగా ప్రేక్షకుల ముందుకు రావడానికి రెడీ అవుతోంది.