తారక్‌తో ఆప్యాయంగా మాట్లాడిన బాలయ్య.. వీడియో వైరల్

హరికృష్ణ ఆకస్మిక మరణంతో నందమూరి ఫ్యామిలీ అంతా ఒక్కటైంది. ఇంతకు ముందు వరకు కాస్త ఎడమొహం పెడమొహంగా ఉన్న కుటుంబ సభ్యులంతా విషాద సమయంలో ఏకతాటి మీదకు వచ్చారు. కష్టకాలంలో ఒకరికి మరొకరు తోడుగా నిలుస్తున్నారు. హరికృష్ణను కడసారి సాగనంపే సమయంలో చంద్రబాబు పాడె మోసి బావమరిది మీద ప్రేమను చాటారు.

మరోవైపు బాలయ్య కూడా తన అన్న కొడుకులను ఆత్మీయంగా పలకరించి మేమంతా ఒక్కటే అనే సందేశం పంపారు. భోజనాలు చేస్తున్న కళ్యాణ్ రామ్, తారక్ దగ్గరకు వెళ్లిన బాలకృష్ణ వారిని ఆప్యాయంగా పలకరించారు. బాబాయి మాట్లాడుతుండగా.. అబ్బాయిలిద్దరూ శ్రద్ధగా విన్నారు. ఈ వీడియో సోషల్ మీడియాలో వైరల్‌గా మారింది. కష్ట సమయంలో కుటుంబీకులంతా ఏకతాటి మీదకు రావడం చూసి నందమూరి ఫ్యాన్స్ ఊరట చెందుతున్నారు.