తీవ్ర గుండెపోటుతో కుప్పంలోని పీఈఎస్ మెడికల్ కాలేజ్ హాస్పిటల్‌లో చికిత్స పొందుతోన్న సినీ నటుడు నందమూరి తారకరత్న ఆరోగ్య పరిస్థితి ప్రస్తుతం నిలకడగానే ఉందని ఆయన బాబాయ్, హిందూపురం ఎమ్మెల్యే నందమూరి బాలకృష్ణ వెల్లడించారు. హాస్పిటల్ వద్ద మీడియాతో మాట్లాడిన బాలయ్య.. దేవుడి ఆశీస్సులు, తాతయ్య-నానమ్మ ఆశీస్సులు, అభిమానుల ఆశీస్సులతో తారకరత్న కోలుకుంటారని ఆశాభావం వ్యక్తం చేశారు.
ఇక టీడీపీ అధినేత నారా చంద్రబాబు నాయుడు ప్రతి 10 నిమిషాలకు ఫోన్ చేస్తున్నారని.. తారకరత్న ఆరోగ్య పరిస్థితిపై ఆరా తీస్తున్నారని బాలకృష్ణ తెలిపారు. ప్రస్తుతం తారకరత్న ఆరోగ్య పరిస్థితి నిలకడగానే ఉన్నా మరింత మెరుగైన చికిత్స కోసం బెంగళూరు తరలించాలని వైద్యులు సూచిస్తున్నట్టు బాలకృష్ణ చెప్పారు. ఈ హాస్పిటల్‌లో హెలీప్యాడ్ ఉన్నప్పటికీ ఎయిర్‌ అంబులెన్స్ దిగేంత స్థలం లేదని.. కాబట్టి ఎయిర్‌లిఫ్ట్ చేయడానికి వీలుపడదని అన్నారు. అందుకనే, రోడ్డు మార్గంలో బెంగళూరు తీసుకెళ్లడానికి అంబులెన్స్‌ను సిద్ధం చేస్తున్నామని చెప్పారు. గ్రీన్ ఛానెల్ ఏర్పాటుచేసి తారకరత్నను అంబులెన్స్‌లో బెంగళూరు తీసుకెళ్లనున్నట్టు సమాచారం.
కాగా, తెలుగుదేశం పార్టీ జాతీయ ప్రధాన కార్యదర్శి నారా లోకేశ్ చేపట్టిన ‘యువగళం’ పాదయాత్రలో పాల్గొన్న తారకరత్న.. కుప్పం సమీపంలోని లక్ష్మీపురం మసీదు దగ్గర జనం మధ్య ఉండగా ఒక్కసారిగా సొమ్మసిల్లి పడిపోయారు. వెంటనే యువగళం సైనికులు, సెక్యూరిటీ సిబ్బంది తారకరత్నను కారులో కుప్పంలోని కేసీ ఆస్పత్రికి తరలించారు. అక్కడ ప్రాథమిక చికిత్స అనంతరం కుప్పంలోని పీఈఎస్ మెడికల్ కాలేజ్ హాస్పిటల్‌కు తీసుకెళ్లారు. వెంటనే హాస్పిటల్‌కు చేరుకున్న నందమూరి బాలకృష్ణ, ఎమ్మెల్యే గోరంట్ల బుచ్చయ్య చౌదరి.. తారకరత్న ఆరోగ్య పరిస్థితిని పర్యవేక్షిస్తున్నారు.
ఇక టీడీపీ అధినేత నారా చంద్రబాబు నాయుడు ప్రతి 10 నిమిషాలకు ఫోన్ చేస్తున్నారని.. తారకరత్న ఆరోగ్య పరిస్థితిపై ఆరా తీస్తున్నారని బాలకృష్ణ తెలిపారు. ప్రస్తుతం తారకరత్న ఆరోగ్య పరిస్థితి నిలకడగానే ఉన్నా మరింత మెరుగైన చికిత్స కోసం బెంగళూరు తరలించాలని వైద్యులు సూచిస్తున్నట్టు బాలకృష్ణ చెప్పారు. ఈ హాస్పిటల్‌లో హెలీప్యాడ్ ఉన్నప్పటికీ ఎయిర్‌ అంబులెన్స్ దిగేంత స్థలం లేదని.. కాబట్టి ఎయిర్‌లిఫ్ట్ చేయడానికి వీలుపడదని అన్నారు. అందుకనే, రోడ్డు మార్గంలో బెంగళూరు తీసుకెళ్లడానికి అంబులెన్స్‌ను సిద్ధం చేస్తున్నామని చెప్పారు. గ్రీన్ ఛానెల్ ఏర్పాటుచేసి తారకరత్నను అంబులెన్స్‌లో బెంగళూరు తీసుకెళ్లనున్నట్టు సమాచారం.
కాగా, తెలుగుదేశం పార్టీ జాతీయ ప్రధాన కార్యదర్శి నారా లోకేశ్ చేపట్టిన ‘యువగళం’ పాదయాత్రలో పాల్గొన్న తారకరత్న.. కుప్పం సమీపంలోని లక్ష్మీపురం మసీదు దగ్గర జనం మధ్య ఉండగా ఒక్కసారిగా సొమ్మసిల్లి పడిపోయారు. వెంటనే యువగళం సైనికులు, సెక్యూరిటీ సిబ్బంది తారకరత్నను కారులో కుప్పంలోని కేసీ ఆస్పత్రికి తరలించారు. అక్కడ ప్రాథమిక చికిత్స అనంతరం కుప్పంలోని పీఈఎస్ మెడికల్ కాలేజ్ హాస్పిటల్‌కు తీసుకెళ్లారు. వెంటనే హాస్పిటల్‌కు చేరుకున్న నందమూరి బాలకృష్ణ, ఎమ్మెల్యే గోరంట్ల బుచ్చయ్య చౌదరి.. తారకరత్న ఆరోగ్య పరిస్థితిని పర్యవేక్షిస్తున్నారు.