రికార్డులు మాకు కొత్త కాదు- ‘జై సింహా’ పవర్ ఫుల్ స్పీచ్

‘రికార్డులు మాకు కొత్త కాదు. సమరసింహా రెడ్డి ఇప్పటికీ రికార్డే. ఆ లెక్కలు నాకు తెలీవు. నా అభిమానులే చెప్తారు’ అన్నారు నందమూరి నటసింహం బాలయ్య. ‘జై సింహా’ చిత్రం సంక్రాంతి కానుకగా విడుదలై 10 రోజుల్లో రూ.50 కోట్ల క్లబ్‌లో చేరిన సందర్భంగా ఏర్పాటుచేసిన సక్సెస్ సెలబ్రేషన్స్ కార్యక్రమంలో పాల్గొన్న బాలకృష్ణ అభిమానులను ఉత్సాహపరిచేలా స్పీచ్ ఇచ్చారు.

ఈ సందర్భంగా ఆయన మాట్లాడుతూ.. ‘జై సింహా విజయాన్ని అందరూ మనఃస్ఫూర్తిగా అభినందిస్తున్నారు. ఇండస్ట్రీ అంతా ఆనందపడుతోంది. 50 కోట్ల క్లబ్ లో చేరిన సందర్భంలో ఆదరించిన ప్రేక్షకులకూ, అభిమానులకూ కృతజ్ఞతలన్నారు. నా సినిమాలు అన్నీ రికార్డులే. అయితే రికార్డులు వస్తుంటాయ్ పోతుంటాయ్.. కాని కావాల్సింది రికార్డులు కాదు. ఇండస్ట్రీ బాగుండాలని ఆకాంక్షించారు బాలయ్య.

నిర్మాత సి. కాళ్యాణ్ మాట్లాడుతూ.. 10 రోజుల్లో 50 కోట్లు కలెక్ట్ చేసిన సంక్రాంతి సింహం బాలకృష్ణ గారి బ్లాక్ బస్టర్ 'జై సింహా' మా సి.కే. ఎంటెర్టైన్మెంట్స్ బ్యానర్‌లో రావడం చాలా హ్యాపీగా ఉందన్నారు. ఈ కార్యక్రమంలో చిత్ర యూనిట్‌తో పాటు ‘జై సింహా’ చిత్ర డిస్టిబ్యూటర్స్ పాల్గొన్నారు.