రీ-మిక్స్: హే పిల్లా.. వస్తావా అంటోన్న బాలయ్య

హీరో నందమూరి బాలకృష్ణ, పూరీ జగన్నాథ్ కాంబోలో వస్తున్న " పైసా వసూల్ " సెప్టెంబర్ 1న ప్రపంచ వ్యాప్తంగా భారీ రిలీజ్‌కు ప్లాన్ చేశారు. ఈ సందర్భంగా ఇప్పటికే సాంగ్స్‌ విడుదలకాగా.. పైసావసూల్ పాటల వీడియో ప్రోమోలను ఒక్కొక్కటిగా విడుదల చేస్తూ సినిమాపై హైప్ తీసుకువస్తున్నారు. ఇటీవల ‘మామా ఏక్ పెగ్గులా’ అంటూ వీడియో సాంగ్‌తో సందడి చేసిన బాలయ్య తాజాగా రీ-మిక్స్ సాంగ్ ఫుల్ ఎనర్జీ చూపిస్తున్నాడు. ఎన్టీఆర్, వాణిశ్రీ కాంబినేషన్‌లో వచ్చిన ‘జీవిత చక్రం’ మూవీలో ‘హే పిల్లా వస్తావా.. కంటి చూపు చెబుతోంది, కొంటె నవ్వు చెబుతోంది ఓ పిల్లా " పాటను రీ-మిక్స్ చేసి బాలకృష్ణ, ముస్కాన్‌ సేథీలపై షూట్ చేశారు.

ఎన్టీఆర్ గెటప్‌తోపాటు డ్యాన్స్‌‌లోనూ బాలయ్య చక్కగా ఒదిగిపోయాడు. నాటి క్లాస్ సాంగ్‌కు అనూప్ రూబెన్స్ మెరుగులు దిద్ది బాలయ్యతో స్టెప్పులేయించేలా చేశాడు. గౌతమిపుత్ర శాతకర్ణి చిత్రంలో బాలయ్య సరసన జంటగా నటించిన శ్రియ శరణ్ వరుసగా మరోసారి బాలయ్యతో జోడీ కట్టగా.. ముస్కాన్, కైరా దత్‌లు ఫీమేల్ లీడ్ రోల్స్ పోషిస్తున్నారు. మరి బాలయ్య రీ-మిక్స్ సాంగ్ ఎలా ఉందో మీరూ ఓ చూపుచూడండి.