బాలయ్య పాట పాడాడోచ్.. వింటారా!

నందమూరి నటసింహం బాలయ్య కొత్త అవతారం ఎత్తారు. పూరీ దర్శకత్వంలో తెరకెక్కుతున్న మూవీలో ఓ సాంగ్‌ను బాలయ్య పాడుతూ ఫోటోలకు పోజులు ఇచ్చేశారు. ప్రస్తుతం సోషల్ మీడియాలో బాలయ్య సింగేస్తున్న ఫోటోలు చక్కర్లు కొడుతుండటంతో బాలయ్య ఫ్యాన్స్ ఫుల్ ఖుషీ అవుతున్నారు.

గౌతమిపుత్ర శాతకర్ణి మూవీతో హిట్ కొట్టిన బాలయ్య వరుస సినిమాలకు గ్రీన్ సిగ్నల్ ఇస్తూ బిజీగా మారారు. ప్రస్తుతం పూరీ జగన్నాథ్‌ దర్శకత్వంలో బాలకృష్ణ కథానాయకుడిగా ఓ చిత్రం రూపుదిద్దుకుంటోంది. ఈ చిత్రాని అనూప్ రూబెన్స్ సంగీతాన్ని అందిస్తుండగా.. బాలకృష్ణ కోసం ట్యూన్‌ను చేసి ఆయనతోనే పాడించడం స్పెషల్ అట్రాక్షన్‌ అనే చెప్పాలి. ఇదిలాఉంటే.. బాలయ్య బాబు డైలాగ్స్ చెప్తుంటే.. దబిడిదిబిడే అన్న రెస్పాన్స్ కామన్‌గానే వస్తుంది. మరి పాటపాడితే రీ సౌండ్‌కి బాక్స్‌లు బ్రేక్ అయిపోవడం ఖాయమనే అంటున్నారు అభిమానులు.

అయితే బాలయ్య పాట వినాలంటే మాత్రం మరికొన్ని రోజులు వెయిట్ చేయక తప్పదు.సెప్టెంబరు 29న ఈ చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నారు. వి.ఆనంద్‌ ప్రసాద్‌ నిర్మిస్తున్న ఈ చిత్రంలో బాలకృష్ణ సరసన ముగ్గురు కథానాయికలు నటిస్తుండటం మరో విశేషం.