బాలకృష్ణ 102వ చిత్రానికి ఇంట్రెస్టింగ్ టైటిల్!

బాలయ్య బాబు హీరోగా తెరకెక్కుతున్న చిత్రానికి ఓ ఇంట్రెస్టింగ్ టైటిల్ పెట్టాలని భావిస్తోన్న మేకర్స్.. టైటిల్ విషయంలో ఓ అంతిమ నిర్ణయానికి వచ్చినట్టు ప్రచారం జరుగుతోంది. టాలీవుడ్ లేటెస్ట్ అప్‌డేట్స్ ప్రకారం బాలయ్య కెరీర్‌లో 102వ చిత్రమైన ఈ సినిమాకు కర్ణ అనే టైటిల్‌ని ఫిక్స్ చేసుకున్నట్టు సమాచారం. ప్రముఖ తమిళ దర్శకుడు కేఎస్ రవికుమార్ డైరెక్ట్ చేస్తున్న ఈ సినిమాను సీ కళ్యాణ్ నిర్మిస్తున్నాడు. ఇటీవలే కుంభకోణంలో కీలకమైన సన్నివేశాల చిత్రీకరణ పూర్తిచేసుకుంది.

బాలకృష్ణ సరసన నయనతార, మళయాళం ముద్దుగుమ్మ నతాషా దోషి హీరోయిన్స్ గా నటిస్తున్నారు. ఇంకా 50 శాతం షూటింగ్ కూడా పూర్తి కాని ఈ సినిమాకు అప్పుడే శాటిలైట్ రైట్స్ అమ్ముడుపోవడం విశేషం. బాలకృష్ణ నటించిన గౌతమీపుత్ర శాతకర్ణి చిత్రానికి మ్యూజిక్ అందించిన చిరంతన్ భట్ ఈ సినిమాకు కూడా మ్యూజిక్ అందిస్తున్నారు.