మెగా హీరోతో 'బాలకృష్ణుడు' డైరెక్టర్ సినిమా

నారా రోహిత్ హీరోగా తెరకెక్కిన బాలకృష్ణుడు సినిమాతో దర్శకుడిగా ఇండస్ట్రీకి పరిచయమవుతున్న పవన్ మల్లెల తన మొదటి సినిమా ఇంకా రిలీజ్ కాకముందే అప్పుడే రెండో సినిమాను సిద్ధం చేసుకున్నాడు. అది కూడా ఆ సినిమాలో ఓ మెగా హీరోను డైరెక్ట్ చేయనున్నాడట పవన్ మల్లెల. ఆ మెగా హీరో ఇంకెవరో కాదు... మెగా ఫ్యామిలీలో వరుసపెట్టి అవకాశాలు అందుకుంటున్న సాయిధరమ్ తేజ్!

అవును, తాజాగా టాలీవుడ్ వర్గాలు వెల్లడిస్తున్న సమాచారం ప్రకారం సాయిధరమ్ తేజ్ నటించనున్న ఈ సినిమా వచ్చే ఏడాది మే నెల్లో సెట్స్ పైకి వెళ్లనున్నట్టు తెలుస్తోంది. బాలకృష్ణుడు సినిమాను నిర్మించిన బీ మహేంద్ర బాబు, ముసునూరు వంశీ, వినోద్ నందమూరి ఈ సినిమాను సంయుక్తంగా నిర్మించనున్నారు.

బాలకృష్ణుడు సినిమా ఫలితం ఏంటనేది ఇంకొద్ది గంటల్లో తెలియాల్సి వుండగా సాయిధరమ్ తేజ్ అప్‌కమింగ్ మూవీ జవాన్ విడుదలకి మరో వారం రోజులే మిగిలివుంది.