అఫీషియల్: ఇక ఓటీటీలో బంగార్రాజు.. స్ట్రీమింగ్ డేట్ ఫిక్స్

ఈ సంక్రాంతికి థియేటర్లలో హంగామా చేశారు అక్కినేని హీరోలు. ఫుల్ లెంగ్త్ ఫ్యామిలీ ఎంటర్‌టైనర్‌ 'బంగార్రాజు' సినిమాతో ప్రేక్షకుల ముందుకొచ్చారు. జనవరి 14న విడుదలైన ఈ సినిమా సూపర్ సక్సెస్ సాధించింది. నాగార్జున, నాగ చైతన్య హీరోలుగా నటించిన ఈ చిత్రానికి కళ్యాణ్ కృష్ణ కురసాల దర్శకత్వం వహించారు. నాగార్జున సరనస రమ్యకృష్ణ నటించగా.. నాగ చైతన్య జంటగా కృతి శెట్టి ఆడిపాడింది.

'సోగ్గాడే చిన్ని నాయనా' సినిమాకు సీక్వల్‌గా వచ్చిన 'బంగార్రాజు' సినిమా తెలుగు రాష్ట్రాలతో పాటు ఓవర్సీస్‌లో కూడా మంచి వసూళ్లను రాబట్టింది. ఈ సినిమా వరల్డ్ వైడ్‌ థియేట్రికల్ రన్ ముగియడంతో ఈ నెల 18వ తేదీ నుంచి ZEE 5లో స్ట్రీమింగ్ చేయనున్నట్టు అధికారికంగా ప్రకటించారు. థియేటర్లో ఈ సినిమాను చూడలేకపోయిన వారికి మళ్లీ చూడాలనుకున్న వారికి ఇది ఉత్సాహాన్ని ఇచ్చే వార్తనే అని చెప్పుకోవచ్చు.
కీర్తి సురేష్‌తో మహేష్ బాబు రొమాంటిక్ స్టిల్! ఇదీ ఫ్యాన్స్‌కి కిక్కంటే..
అన్నపూర్ణ స్టూడియోస్, జీ స్టూడియోస్ సంయుక్తంగా నిర్మించిన ఈ సినిమాకు నాగార్జున ఓ నిర్మాతగా వ్యవహరించారు. నాగార్జున మనవడిగా నాగ చైతన్య కనిపించారు. ప్రీ రిలీజ్ బిజినెస్ పరంగా భేష్ అనిపించుకున్న ఈ మూవీ విడుదలయ్యాక అదే లెవెల్ రెస్పాన్స్ తెచ్చుకుంది. ఇప్పటి వరకు ఈ సినిమాకు 39.61 కోట్లు వసూలయ్యాయి. ఈ మూవీ విజయం పట్ల చిత్ర యూనిట్ మొత్తం ఆనందంగా ఉంది.