అలాంటి డ్రెస్‌లు వేసుకోను.. బోల్డ్ పాత్రలు చేయను.. ఎందుకంటే: ‌కృతి శెట్టి

‘ఉప్పెన’ సినిమాతో టాలీవుడ్‌లో ఎంట్రీతోనే హిట్ కొట్టిన కృతి శెట్టి.. ‘శ్యామ్‌ సింగరాయ్‌’, ‘బంగార్రాజు’ సినిమాలతో బ్యాక్ టు బ్యాక్ బ్లాక్ బస్టర్ హిట్లు అందుకుంది. ఈ మంగళూరు చిన్నదాని సోయగాలు కుర్రకారుకి విపరీతంగా నచ్చేయడంతో.. చాలామందికి క్రష్‌గా మారింది. ‘శ్యామ్‌ సింగరాయ్‌’ చిత్రంలో కాస్త గ్లామరస్‌గా కనిపించినప్పటికీ.. ఉప్పెన, బంగార్రాజు చిత్రాల్లో పద్దతిగానే కనిపించింది. లంగాఓణీలో బేబమ్మ భలే అదరగొట్టేసింది. ఆమె అందచందాలు, హావభావాలకు ఫ్యాన్స్ ఉన్నట్టే.. ఆమె డ్రెస్సింగ్ స్టైల్ కూడా చూడముచ్చటగానే ఉంటుంది.

కేవలం సినిమాల్లోనే మాత్రమే కాకుండా.. సినిమా ఫంక్షన్లు, ఇంటర్వ్యూలు, ప్రైవేట్ ఈవెంట్లలో కూడా కృతి శెట్టి పద్దతైనా కట్టు బొట్టులకు ఫిదా అయిపోతున్నారు తెలుగు ఆడియన్స్. అందం అంటే ఆరబోయడం మాత్రమే కాదనే కొత్త పంథాలో వెళ్తున్న కృతి శెట్టి ఎక్స్ పోజింగ్‌కి దూరం అనే అంటుంది (ప్రస్తుతానికి).

బోల్డ్ క్యారెక్టర్స్.. ఎక్స్ పోజింగ్ డ్రెస్‌ల గురించి మాట్లాడుతూ.. ‘ఒక సినిమా చేయాలంటే కొన్ని బౌండరీస్ పెట్టుకున్నా.. అన్నీ ముందే చెప్తా.. ముఖ్యంగా క్యాస్ట్యూమ్స్ విషయంలో నాకు కంఫర్ట్‌గా అనిపిస్తేనే వేసుకుంటా అని. దానికి వాళ్లు ఓకే అంటే అప్పుడు సినిమా చేయడానికి ఓకే చెప్తా. ఇక బోల్డ్ క్యారెక్టర్స్‌ ఒప్పుకోలేదు. అలాంటి క్యారెక్టర్స్ నాకు అన్ కంఫర్టబుల్‌గా అనిపిస్తాయి. నేను ఇప్పుడిప్పుడే ఇండస్ట్రీకి వచ్చాను పెద్ద ఏజ్ కూడా కాదు. నా కంఫర్ట్‌ని బట్టి నేను క్యాస్ట్యూమ్స్ అండ్ క్యారెక్టర్స్ ఎంచుకుంటా.

కథలు అమ్మతో కలిసే వింటాను. డిస్కస్ చేసిన తరువాత నాకు సెట్ అవుతుంది అంటే చేస్తాను.. నన్ను గైడ్ చేసేది మా అమ్మ, మామయ్య. ఇప్పటివరకూ నేను పనిచేసిన డైరెక్టర్లు నాతో చాలా హ్యాపీగానే పనిచేయించున్నారు. ఎలాంటి ఇబ్బంది పడలేదు. స్క్రిప్ట్ విన్న తరువాత ఆ పాత్రకు సంబంధించి ఎలా చేయాలో నేను హోమ్ వర్క్ చేస్తుంటా’ అంటూ చెప్పుకొచ్చింది ‌కృతి శెట్టి.

Read Also: నా భర్త, కొడుకు నన్ను వదిలేశారు.. వాళ్లకి నాలాంటి పరిస్థితే వస్తుంది: నటి సుధ కన్నీటిపర్యంతం