Kavacham: ‘కవచం’ ట్రైలర్.. పోలీసోడి ఆట ఇంట్రస్టింగ్

‘పద్మవ్యూహంలో ఆగిపోవడానికి నేను అభిమాన్యున్ని కాదురా.. పోలీస్’ అంటూ పవర్ ఫుల్ డైలాగ్‌తో పోలీసోడి తడాఖా చూపిస్తున్నాడు బెల్లంకొండ శ్రీనివాస్. ఆయన హీరోగా కాజల్ అగర్వాల్ హీరోయిన్‌గా నటిస్తున్న ‘కవచం’ మూవీ నుండి ట్రైలర్‌‌ను విడుదల చేసింది చిత్ర యూనిట్. ట్రైలర్‌లో పవర్ ఫుల్ పోలీస్ ఆఫీసర్‌గా సర్‌ప్రైజ్ చేశారు బెల్లంకొండ శ్రీనివాస్. ఖాకీ డ్రెస్ బెల్లంకొండకు పర్ఫెక్ట్‌గా సూట్ అయ్యింది. కెరియర్‌లో తొలిసారిగా పోలీస్‌గా కనిపిస్తున్నారు బెల్లంకొండ శ్రీనివాస్.

యాక్షన్ థ్రిల్లర్‌గా తెరకెక్కుతున్న ఈ చిత్రానికి శ్రీనివాస్ మామిళ్ల దర్శకత్వం వహిస్తున్నారు. దర్శకుడిగా ఆయనకు ఇదే తొలిచిత్రం. కాజల్ అగర్వాల్, మెహ్రీన్‌లు హీరోయిన్లుగా నటిస్తున్నారు. వంశధార క్రియేషన్స్‌లో శొఠినేని నిర్మిస్తున్నారు. థమన్ సంగీతం అందిస్తున్నారు. డిసెంబర్‌ 7న ప్రేక్షకుల ముందుకు రానుంది ‘కవచం’.