భానుప్రియ మాజీభర్త హఠాన్మరణం

నటి భానుప్రియ మాజీ భర్త ఆదర్శ్ గుండెపోటుతో ఇటీవలే మరణించినట్టుగా తెలుస్తోంది. అమెరికాలో ఆయన మరణించారనే విషయం కాస్త ఆలస్యంగా వెలుగులోకి వచ్చింది. భానుప్రియ తన వ్యక్తిగత విషయాలను మీడియాకు దూరంగా ఉంచుతుండటంతో ఈ విషయంపై సమాచార జాప్యం జరిగింది. అతడితో విడిపోయి చాలాకాలమే అయినప్పటికీ ఆయన మరణం నేపథ్యంలో భానుప్రియ అమెరికాకు వెళ్లినట్టుగా తెలుస్తోంది.

హీరోయిన్ గా అవకాశాలు తగ్గుముఖం పట్టిన సమయంలో ఆమె 1998లో ఆదర్శ్ ను వివాహం చేసుకున్నారు. అమెరికా వెళ్లిపోయారు. ఈ జంటకు ఒక కూతురు కూడా పుట్టింది. అయితే విబేధాల నేపథ్యంలో వీరు 2005లో విడిపోయారు.

అప్పటి నుంచి భానుప్రియ మళ్లీ సినిమాలతో బిజీ అయ్యారు. క్యారెక్టర్ ఆర్టిస్టుగా, తల్లి పాత్రలతో బిజీ అయిపోయారు. చెన్నైలో సెటిలయ్యారు.