‘ఢీ’ నుంచి నన్ను తీసేయలేదు.. అది మా టీవీ ఘనకార్యం: భానుశ్రీ

నటి అవ్వాలనే కోరికతో తల్లిదండ్రులతో ఫైట్ చేసి మరీ ఇండస్ట్రీకి వచ్చిన తెలుగమ్మాయి భానుశ్రీ. సినిమాల్లో పెద్దగా అవకాశాలు రాకపోవడంతో సీరియల్స్‌లో హీరోయిన్‌గా సెటిలయ్యారు. ‘బాహుబలి’ లాంటి భారీ చిత్రంలో హీరోయిన్ పక్కన ఒక చిన్న పాత్రలో నటించారు. ‘బిగ్ బాస్’ షోలో కంటెస్టెంట్‌గా అడుగుపెట్టడంతో భానుశ్రీ ఒక్కసారిగా పాపులర్ అయిపోయారు. అయితే, ‘బిగ్ బాస్’ హౌస్ నుంచి బయటికి వచ్చిన తరవాత ఆమె అవకాశాల పరిస్థితి ఏంటి? ప్రస్తుతం ఆమె కెరీర్ ఎలా ఉంది? వంటి విషయాలను ‘సమయం’ అడిగి తెలుసుకుంది.

నటి అవ్వాలనే కోరికతో తల్లిదండ్రులతో ఫైట్ చేసి మరీ ఇండస్ట్రీకి వచ్చిన తెలుగమ్మాయి భానుశ్రీ. సినిమాల్లో పెద్దగా అవకాశాలు రాకపోవడంతో సీరియల్స్‌లో హీరోయిన్‌గా సెటిలయ్యారు. ‘బాహుబలి’ లాంటి భారీ చిత్రంలో హీరోయిన్ పక్కన ఒక చిన్న పాత్రలో నటించారు. ‘బిగ్ బాస్’ షోలో కంటెస్టెంట్‌గా అడుగుపెట్టడంతో భానుశ్రీ ఒక్కసారిగా పాపులర్ అయిపోయారు. అయితే, ‘బిగ్ బాస్’ హౌస్ నుంచి బయటికి వచ్చిన తరవాత ఆమె అవకాశాల పరిస్థితి ఏంటి? ప్రస్తుతం ఆమె కెరీర్ ఎలా ఉంది? వంటి విషయాలను ‘సమయం’ అడిగి తెలుసుకుంది.

Samayam Telugu

ఏడు చేపల కథ గురించి..

ఏడు చేపల కథ మంచి స్టోరీ అని అయితే టీజర్ రిలీజ్ చేసిన తరవాత వచ్చిన రెస్పాన్స్ చూసి దానిలో అడల్ట్ కంటెంట్‌ను బాగా జోడించి కంపు చేసేశారని భానుశ్రీ అన్నారు. అసలు తనకు చెప్పిక కథ ఒకటి.. సినిమాలో చూపించింది ఒకటి అని చెప్పారు. సినిమాలో తనదే ప్రధాన పాత్ర అని చెప్పారని, టెంప్ట్ రవి అనేది ఒక క్యారెక్టర్ అని మాత్రమే చెప్పారని వెల్లడించారు. అలాగే, ఈ సినిమాలో భానుశ్రీ నటిస్తుంది అనడంతో అంతా ఎక్స్‌పోజింగ్ గురించి మాట్లాడారని.. తాను రవ్వంత ఎక్స్‌పోజింగ్ కూడా చేయలేదని స్పష్టం చేశారు. సుమారు 25 నిమిషాల పాటు అడల్ట్ కంటెంట్‌ను సెన్సార్ బోర్డు కట్ చేసిందని వెల్లడించారు.

మా టీవీ ఘనకార్యం వల్లే..

బిగ్ బాస్ షో నుంచి ఎలిమినేట్ అయిన తరవాత తాను ఖాళీగానే ఉన్నానని, షో ముగిసిన తరవాత తనకు ‘ఢీ’ షో యాంకర్‌గా అవకాశం వచ్చిందని భానుశ్రీ చెప్పారు. అయితే, షో ముగిసిన తరవాత 6 నెలల వరకు బయట ఎక్కడా పనిచేయకూడదని బిగ్ బాస్ వాళ్లు కండిషన్ పెట్టారని అన్నారు. ఈ కండిషన్ గురించి తనకు మొదట్లో చెప్పలేదని కూడా వెల్లడించారు. ఢీ షోలో ఐదు ఎపిసోడ్‌లు చేసిన తరవాత మా టీవీ వాళ్లు డైరెక్ట్‌గా ఈటీవీతో కాంటాక్ట్ అయ్యి తనను తీయించేశారని భానుశ్రీ చెప్పారు. ఈటీవీ వాళ్లు తనను కావాలని తీసేయలేదని.. మా టీవీ ఘనకార్యం వల్లే తాను ఆ అవకాశాన్ని కోల్పోయానని అన్నారు.

బిగ్ బాస్ కమిట్మెంట్‌పై..

బిగ్ బాస్‌లో కమిట్మెంట్ అనేది ఉంటుందని మూడో సీజన్ సమయంలోనే తాను కూడా విన్నానని భానుశ్రీ అన్నారు. తాము పాల్గొన్న సీజన్‌లో అలాంటిది ఏమీ లేదని, తమను చాలా బాగా రిసీవ్ చేసుకున్నారని చెప్పారు. మొదటి సీజన్‌లో కూడా ఇలాంటిదేమీ లేదని.. మరి మూడో సీజన్‌లో ఈ ఆరోపణలు ఎందుకు వచ్చాయో తనకు తెలీదన్నారు. అసలు దీనిపై తనకు అవగాహనే లేదన్నారు.

క్యాస్టింగ్ కౌచ్‌పై..

తెలుగు సినిమా ఇండస్ట్రీలో క్యాస్టింగ్ కౌచ్ అంశం ఆ మధ్య బాగా వివాదాస్పదమైంది. దీనిపై భానుశ్రీ స్పందించారు. అయితే, క్యాస్టింగ్ కౌచ్ అనేది బలవంతంగా ఏమీ జరగదని.. వీళ్లు సహకరిస్తేనే వాళ్లు ఏమయినా చేయగలరని, లేకపోతే వాళ్లేమీ చేయలేరని భానుశ్రీ అభిప్రాయపడ్డారు. రెండు చేతులు కలిపితేనే చప్పట్లని.. అలాగే, ఇద్దరు మనుషుల మధ్య అంగీకారం ఉంటేనే అలాంటివి జరుగుతాయని భానుశ్రీ అన్నారు. అవకాశాల కోసం ముందుకెళ్తున్నప్పుడు మనకు రెండు దారులు ఉంటాయని, వాటిలో మంచి దారిని ఎంచుకునే బాధ్యత మనపైనే ఉంటుందన్నారు.

Video-రెండు చేతులు కలిస్తేనే చప్పట్లు.. క్యాస్టింగ్ కౌచ్‌పై భానుశ్రీ కామెంట్స్

రెండు చేతులు కలిస్తేనే చప్పట్లు.. క్యాస్టింగ్ కౌచ్‌పై భానుశ్రీ కామెంట్స్