ఎన్టీఆర్ బిగ్‌బాస్‌‌లో భల్లాలదేవుడు

తెలుగు టెలివిజన్ చరిత్రలో బిగ్గెస్ట్ రియాల్టీ షో బిగ్‌బాస్‌కి ఎన్టీఆర్ హోస్ట్‌గా వ్యవహరిస్తుండటంతో టాప్ రేటింగ్స్‌తో దూసుకుపోతుంది. ప్రారంభంలో ఈ షోపై మిక్స్డ్ టాక్ వచ్చినప్పటికీ రేటింగ్స్ పరంగా టాప్ గేర్‌లోనే ఉంది. ముఖ్యంగా శని, ఆదివారాల్లో ఎన్టీఆర్ ఎంట్రీ ఇస్తుండటంతో బిగ్‌బాస్‌కి ప్రేక్షకాదరణ అంతకంతకూ పెరుగుతూనేఉంది. తొలివారంలో అత్యధిక తెలుగు వ్యూయర్ షిప్‌ రికార్డ్ నెలకొల్పిన బిగ్ బాస్. రెండో వారం ఎండింగ్‌కి వచ్చేసరికి మొదటి వారం షో రేటింగ్ కంటే ఇప్పుడు నాలుగు రేట్లు పెరిగిపోయింది. ఇక మూడో వారంలో మరిన్ని హంగులను చేర్చారు షో నిర్వాహకులు. ఇటీవల వైల్డ్‌ కార్డ్ ఎంట్రీతో బిగ్ బాస్‌కు గ్లామర్ టచ్ ఇచ్చిన దీక్ష స్పెషల్ అట్రాక్షన్‌ అవుతుండగా.. ఈరోజు (ఆదివారం) ఎపిసోడ్‌లోకి ‘నేనే రాజు నేనే మంత్రి’ అంటూ వచ్చేస్తున్నాడు జోగేంద్ర.

ఫ్రెండ్స్ షిప్‌డే సందర్భంగా బిగ్ బాస్ హౌస్‌‌లోకి ఎంట్రీ ఇస్తున్నాడు దగ్గుబాటి రానా. హౌస్‌లో ఉన్న సెలబ్రిటీలతో కలిపి ఫ్రెండ్ షిప్ డే సెలబ్రేషన్స్‌లో పాల్గొనడంతో పాటు.. బిగ్ బాస్ సీజన్‌1 టైటిల్ కోసం రంజుగా సాగుతున్న పోటీని దగ్గరుండి వీక్షించబోతున్నాడు. బాహుబలి మూవీతో ఇంటర్నేషనల్ స్టార్‌గా గుర్తింపు పొందిన రానా ప్రస్తుతం తేజ డైరెక్షన్‌లో ‘నేనే రాజు నేనే మంత్రి’ మూవీలో నటించారు. ఈ మూవీ ఆగష్టు 11న భారీ అంచనాలతో ప్రపంచ వ్యాప్తంగా రిలీజ్ కానుంది. ఈ మూవీ ప్రమోషన్స్‌లో భాగంగా బిగ్‌బాస్ హౌస్‌కి జోగేంద్ర లుక్‌లో ఎంట్రీ ఇచ్చి బిగ్‌బాస్ గిల్లికజ్జాలను దగ్గరుండిమరీ ఎంజాయ్ చూస్తూ.. పనిలో పనిగా తన మూవీ ప్రమోషన్స్‌ నిర్వహిస్తున్నాడు జోగేంద్ర. మరి ఈరోజు ఎపిసోడ్‌లో ఈ జోగేంద్రుడు చేసే హంగామా చూసేద్దామా!

Bigg Boss housemates celebrates #FriendshipDay with Jogendra @RanaDaggubati #BiggBossTelugu Today at 9 PM #OPPOBiggBoss @oppomobileindia pic.twitter.com/Datv5CUx3V — STAR MAA (@StarMaa) August 6, 2017