బిపాసాకు అస్వస్థత: హాస్పిటల్ నుంచి ఫన్నీ ట్వీట్!

ప్రముఖ బాలీవుడ్ నటి బిపాసా బసు అస్వస్థతకు గురైంది. కొంతకాలంగా శ్వాసకోశ సమస్యతో బాధపడుతున్న బిపాసా శనివారం రాత్రి ఊపిరి పీల్చుకోడానికి ఇబ్బందిపడింది. దీంతో ఆమె కుటుంబ సభ్యులు ముంబయిలోని ఓ ప్రైవేట్ హాస్పిటల్‌కు తరలించారు. ఆదివారం సీనియర్ పల్మోనాలజిస్ట్ పర్యవేక్షణలో ఆమె చికిత్స అందుకున్నారు.

దీనిపై బిపాస స్పందిస్తూ.. తను ఇన్‌ఫెక్షన్‌తో బాధపడుతున్నానని తెలిపింది. ‘‘నాకు కేవలం బ్యాక్టిరియా ఇన్ఫెక్షన్ సోకింది. త్వరలోనే కోలకుంటా’’ అని ట్వీట్ చేశారు. ఆ తర్వాత ఇన్‌స్టాగ్రమ్‌లో ఓ ఫన్నీ ఫొటోను షేర్ చేసుకుని నవ్వించింది.
మీ చిన్న చెల్లి ఆసుపత్రిలో సాయానికి ఉంటే ఇలానే ఉంటుందంటూ.. తన ఫన్నీ ఫొటోను అభిమానులతో షేరు చేసుకుంది. ఆమె ట్వీట్లకు స్పందిస్తూ.. బిపాసా త్వరగా కోలుకో అంటూ అభిమానులు కామెంట్లు చేస్తున్నారు.
బిపాసా బాలీవుడ్‌లోనే కాకుండా, తెలుగులో ‘టక్కరి దొంగ’ సినిమాలో మహేష్‌బాబుకు జోడీగా కనిపించారు. బిపాసా త్వరలో తన భర్త కరణ్ సింగ్ గ్రోవర్‌తో కలిసి ఓ సినిమాలో నటించనున్నారు.