వర్మకు ఆ పార్టీ మహిళా నేతల హెచ్చరిక!

‘గాడ్, సెక్స్, ట్రూత్’ షార్ట్ ఫిల్మ్ విషయంలో భారతీయ జనతా పార్టీ మహిళా విభాగం నేతలు దర్శకుడు రామ్ గోపాల్ వర్మపై పోలీసులకు ఫిర్యాదు చేశారు. ‘జీ,ఎస్,టీ’తో రామ్ గోపాల్ వర్మ భారతీయ సంస్కృతిని భ్రష్టు పట్టించే ప్రయత్నం చేస్తున్నాడని అంటూ.. వారు ఫిర్యాదులో పేర్కొన్నారు. వర్మకు పిచ్చి పట్టిందని..అందుకే ఇలాంటి అర్థంపర్థం లేని సినిమాలు తీస్తున్నాడని బీజేపీ మహిళా విభాగం నేతలు విరుచుకుపడ్డారు.

వర్మను భార్య, కూతురు కూడా వెలివేశారని, ఇకనైనా వర్మ పద్ధతి మార్చుకోవాలని.. లేకపోతే వర్మకు తాము పిచ్చి వదిలిస్తామని వారు హెచ్చరించారు. విజయవాడ పరిధిలోని సూర్యపేట పోలిస్ స్టేషన్లో బీజేపీ నేతలు తమ ఫిర్యాదును ఇచ్చారు. వారి ఫిర్యాదును పరిశీలించిన అనంతరం తదుపరి చర్యలను చేపడతామని పోలీసులు ప్రకటించారు.

అయితే వర్మ ఇలాంటి విమర్శలను, ఫిర్యాదులను లెక్క చేసేట్టుగా లేడు. పోర్న్ చూడటం తప్పే కాదు, పోర్న్ చూడటం వల్ల నష్టం లేదు, అది మానసిక వ్యాధి ఎంతమాత్రమూ కాదు, సరదాగా పోర్న్ చూడవచ్చు.. పోర్న్ స్టార్ అంటే దేవతతో సమానం, అలెగ్జాండర్ కన్నా గొప్ప.. అని అంటున్నాడు.