Nithiin: ‘భీష్మ’కు బీజేపీ షాక్.. టైటిల్ మార్చాలని డిమాండ్
యంగ్ హీరో నితిన్ కథానాయకుడిగా నటించిన సినిమా ‘భీష్మ’. వెంకీ కుడుముల డైరెక్ట్ చేసారు. రష్మిక మందన హీరోయిన్గా నటించారు. హెబ్బా పటేల్ చిన్న పాత్రను పోషించారు. శుక్రవారం సినిమా రిలీజ్ కానుంది.
Samayam Telugu19 Feb 2020, 8:17 pm
యంగ్ హీరో నితిన్ కథానాయకుడిగా నటించిన సినిమా ‘భీష్మ’. వెంకీ కుడుముల డైరెక్ట్ చేసారు. రష్మిక మందన హీరోయిన్గా నటించారు. హెబ్బా పటేల్ చిన్న పాత్రను పోషించారు. శుక్రవారం సినిమా రిలీజ్ కానుంది.
బీజేపీ షాక్
ఒక మంచి కంటెంట్ ఉన్న సినిమా రిలీజ్ అవుతోందంటే.. ఆ సినిమాకు ఏదో ఒక అడ్డంకి వచ్చి పడుతుంది. ‘భీష్మ’ విషయంలో అదే జరిగింది. హిందువులకు పవిత్రమైన మహాభారతంలో ఒక ప్రధానమైన, శక్తివంతమైన పాత్ర భీష్ముడిది. సత్యవర్తనుడిగా, పరాక్రముడిగా భీష్ముని పాత్ర గురించి మాట్లాడుకుంటారు. అలాంటిది ‘భీష్మ’ పేరు పెట్టి సినిమాలో ముద్దులు పెట్టుకోవడాలు వంటివి చూపించారని బీజేపీ రిలీజియస్ సెల్ సెక్రటరీ టి చైతన్య కృష్ణ ఆగ్రహం వ్యక్తం చేస్తు్న్నారు. వెంటనే టైటిల్ మార్చాలని డిమాండ్ చేస్తున్నారు.
భీష్ముడిని లవర్ బాయ్గా ఎలా చూపిస్తారు
మహాభారతంలో భీష్ముడికి పెళ్లి కాలేదు. అలాంటిది ఆయన పేరును ‘భీష్మ’ సినిమాలో వాడుకుని లవర్ బాయ్గా ఎలా చూపిస్తారని చైతన్య ఆగ్రహం వ్యక్తం చేసారు. ఇది హిందువుల మనోభావాలు దెబ్బతీసినట్లేనని అన్నారు. Read also: బిగ్ బాస్ రవికృష్ణ ప్రేమ పాఠాలు! ఇది నిజం కావాలంటున్న అభిమానులు..
టైటిల్ మార్చకపోతే కోర్టుకే
తమ డిమాండ్ను ఒప్పుకుని ‘భీష్మ’ సినిమా టైటిల్ మార్చకపోతే కోర్టు మెట్లు ఎక్కడానికి కూడా వెనుకాడమని చైతన్య హెచ్చరించారు. తమ మాట కాదని సినిమాను అదే టైటిల్తో విడుదల చేస్తే రిలీజ్ అయిన రెండో రోజే సినిమా థియేటర్లలో ఆడకుండా చేస్తామని అంటున్నారు. మరి దీనిపై నితిన్, వెంకీ ఏమంటారో చూడాలి.
మొన్న ‘వాల్మీకి’
ఈ మధ్యకాలంలో సినిమా రిలీజ్కు రెండు మూడు రోజులు ఉందనగా టైటిల్తో ఇబ్బందిగా ఉందంటూ కొందరు రచ్చ చేస్తున్నారు. గతేడాది హరీష్ శంకర్ తెరకెక్కించిన ‘గద్దలకొండ గణేష్’ సినిమాకు కూడా ఇదే పరిస్థితి ఎదురైంది. ముందు సినిమాకు ‘వాల్మీకి’ అని టైటిల్ పెట్టారు. రామయణం లాంటి పవిత్రమైన పుస్తకాన్ని రాసిర వాల్మీకి మహర్షి పేరు ఎలా వాడుకుంటారని వాల్మీకి సంఘాలు ఆగ్రహం వ్యక్తం చేసాయి. దాంతో సినిమాను ‘గద్దలకొండ గణేష్’గా మార్చారు.
బెదిరింపులకు భయపడని తేజ
ప్రముఖ దర్శకుడు తేజ డైరెక్ట్ చేసిన ‘సీత’ సినిమాకు కూడా ఇవే కష్టాలు వచ్చాయి. కాజల్ అగర్వాల్, బెల్లంకొండ శ్రీనివాస్ జంటగా నటించిన ఈ సినిమాకు సీతమ్మవారి పేరును వాడుకుని అపవిత్రం చేసారని కొన్ని హిందూ సంఘాలు రచ్చ చేసాయి. అయితే వీటికి తేజ భయపడలేదు. సీత కాకపోతే శూర్పణఖ అని పేరు పెట్టాలా అంటూ ఆయనే వార్నింగ్ ఇచ్చారు. అంతేకాదు టైటిల్ మార్చకుండానే సినిమాను రిలీజ్ చేసారు.
రష్మిక కోసమే పాటలా
అయితే ఈరోజు ‘భీష్మ’ సినిమా నుంచి ‘సూపర్ క్యూట్’ అనే వీడియో ప్రోమో ఒకటి రిలీజ్ అయింది. ఇందులో రష్మిక అందాన్ని పొగుడుతూ నితిన్ పాట పాడుతుంటాడు. కొన్ని రోజుల క్రితం ‘వాట్టే బ్యూటీ’ అనే పాట రిలీజ్ అయింది. అందులోనూ రష్మిక అందం గురించే లిరిక్స్ ఉన్నాయి. దీనిని బట్టి చూస్తే ‘భీష్మ’ సినిమాలో పాటలన్నీ రష్మిక అందాన్ని పొగడటానికే పెట్టినట్లున్నారని నెటిజన్లు అభిప్రాయపడుతున్నారు.
హెబ్బా కూడా ఉందట
ఈ సినిమాలో ‘కుమారి 21f ’ హీరోయిన్ హెబ్బా పటేల్ కూడా ఉన్నారని టాక్. కాకపోతే ఆమెది మరీ చిన్న క్యారెక్టర్ అట. అందుకే సినిమా ప్రమోషన్స్లో కానీ మొన్న జరిగిన ప్రీ రిలీజ్ ఈవెంట్లో కానీ పాల్గొనలేదని తెలుస్తోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.