‘మణికర్ణిక’కు మళ్లీ గాయాలు!

బాలీవుడ్ అందాల నటి కంగనా రనౌత్ షూటింగ్‌లో గాయపడ్డారు. ఝాన్సీ లక్ష్మీభాయి జీవిత కథ ఆధారంగా తెరకెక్కుతున్న మణికర్ణిక మూవీలో కంగనా లీడ్‌ రోల్‌లో నటిస్తున్నారు. క్రియేటివ్ దర్శకుడు క్రిష్ దర్శకత్వంలో తెరకెక్కుతున్న ఈ మూవీ షూటింగ్ ప్రస్తుతం జోధ్‌పూర్‌లో జరుగుతుంది. మంగళవారం ఉదయం కంగనా రనౌత్‌పై స్టంట్స్ సీన్ చిత్రీకరిస్తుండగా.. కంగనా ప్రమాదశాత్తు కిందపడటంతో ఆమె కాలికి గాయమైంది

దీంతో దగ్గరలోని హాస్పటల్‌కు కంగనాను తరలించడంతో ఎత్తునుండి కింద పడటంతో కాలికి గాయమైందని అయితే పెద్ద ప్రమాదం ఏం లేదని కొన్నాళ్లు రెస్ట్ తీసుకుంటే సరిపోతుందని వైద్యులు తెలిపారు. అయితే ఇటీవల హైదరాబాద్‌లో ఈ మూవీ చిత్రీకరణ సమయంలో ఓ ఛేజింగ్‌ సీన్‌లో గుర్రం మీద నుండి కిందపడటంతో కంగనాకు గాయాలయ్యాయి. దీంతో కొన్నాళ్లు షూటింగ్‌కి బ్రేక్ పడింది. కాగా మళ్లీ ‘మణికర్ణిక’షూటింగ్‌లో గాయపడటంతో చిత్ర యూనిట్ ఆందోళనలో ఉంది.