వైరల్ పిక్: ఆమెతో పెళ్లికాలేదు అయినా తండ్రైన హీరో

తండ్రికావాలంటే పద్దతిగా పెళ్లి చేసుకోవాలి.. లేదంటే ఎవరైనా అనాధను తెచ్చుకుని కూడా తండ్రి కావచ్చు. కాని మన బాలీవుడ్ హీరోలు రిలేషన్స్ అంతా అస్తవ్యస్తం. ఓ పద్దతి పాడు ఉండదు. లవ్, రిలేషన్, కమిట్‌మెంట్ అన్నీ ముదిరి సహజీవనం ఇవేమీ అక్కడ వాళ్లకు కొత్తేం కాదు. ఈ సాంప్రదాయం ఈ మధ్యకాలంలో టాలీవుడ్‌కి కూడా సంక్రమించిందనుకోండి అది వేరే విషయం.

ఇక అసలు విషయానికి వస్తే.. బాలీవుడ్ హీరో అర్జున్ రాం పాల్ తండ్రి కాబోతున్నాడు. ఈ విషయాన్ని అధికారికంగా ప్రకటిస్తూ.. తన ప్రియురాలు గాబ్రియేల్లాతో కలిసి దిగిన ఫొటోను షేర్ చేశారు. గత కొన్నాళ్లుగా అర్జున్ రాంపాల్, గాబ్రియేలా సహజీవనంలో ఉన్నారు. పెళ్లి కాకుండానే ఓ బిడ్డకు జన్మనివ్వబోతుంది ఈ జంట.


46 ఏళ్ల అర్జున్ రాంపాల్‌కి 24 ఏళ్ల వయసులోనే మెహర్ జెస్సియా‌ని పెళ్లి చేసుకున్నారు. వీరికి ఇద్దరు కూతుళ్లు ఉండగా.. గత ఏడాది భార్య నుండి విడాకులు తీసుకున్నారు రాంపాల్. అప్పటి నుండి గాబ్రియేలాతో కలిసి సహజీవనం చేస్తున్న అర్జున్ రాం పాల్ త్వరలో ఓ బిడ్డకు జన్మనివ్వబోతున్నట్టు తెలిపారు. నిండు గర్భిణిగా ఉన్న గాబ్రియేల్లాను గుండెలకు హత్తుకుని ఉన్న ఈ ఫొటో సోషల్ మీడియాలో వైరల్‌గా మారింది.


కాగా సౌతాఫ్రికాకి చెందిన గాబ్రియేలా 2009లో ఎఫ్ హెచ్ఎం మేగజైన్ రిలీజ్ చేసిన ‘100 సెక్సియెస్ట్ ఉమెన్ ఇన్ ది వరల్డ్‌’లో చోటు దక్కించుకుంది. అదే ఏడాది మిస్ ఇండియన్ ప్రీమియర్ లీగ్ బాలీవుడ్‌లో పాల్గొంది. అక్కడే రాం పాల్‌తో గాబ్రియేల్లాకు పరిచయం ఏర్పడింది. ఆ పరిచయం ప్రేమగా మారడంతో గత ఏడాదిగా సహజీవనం చేస్తున్నారు. ఇద్దరి మధ్య పరిచయం కారణంగానే తన మొదటి భార్యకు అర్జున్ రాంపాల్ విడాకులు ఇచ్చినట్టు తెలుస్తోంది. ఇదిలా ఉంటే.. అర్జున్ రాంపాల్ మొదటి భార్య కూతురు త్వరలో హీరోయిన్‌గా బాలీవుడ్ ఎంట్రీ ఇవ్వబోతుంది.