వావ్... మిషా కపూర్... ఎంత ముద్దుగుందో

బాలీవుడ్ హీరో షాహిద్ కపూర్ తన ముద్దుల కూతురు ఫోటోని సోషల్ మీడియాలో అభిమానుల కోసం షేర్ చేశాడు. షాహిద్ భార్య మీరా రాజపూత్ గతేడాది ఆగస్టులో అందాల పాపకి జన్మనిచ్చింది. తన భార్య పేరులోని మొదటి అక్షరాన్ని, తన పేరులో మొదటి అక్షరాన్ని కలిపి పాపకు మిషా అని పేరు పెట్టాడు షాహిద్. ఆ పాప ఫోటో బయటికి రాకుండా చాలా రోజులు జాగ్రత్త పడ్డాడు. ఓసారి తన పాపకి ఫోటో తీయడానికి ప్రయత్నిస్తున్న మీడియాపై అరిచాడు కూడా. ఓ రోజు తన భార్య, బిడ్డల ఫోటోని తానే అభిమానుల కోసం పోస్టు చేశాడు. ఇప్పుడు మిషా సింగిల్ ఫోటోని పోస్టు చేశాడు. అందులో పాప చాలా క్యూట్ గా నవ్వుతూ ఉంది.


షాహిద్ కపూర్ తాజా చిత్రం రంగూన్ మంచి విజయాన్ని సాధించింది. అలాగే షాహిద్ సంజయ్ లీలా భన్సాలీ రూపొందిస్తున్న ‘పద్మావతి’ లో ఓ కీలక పాత్ర పోషిస్తున్నాడు.