వెంకీ హీరోగా రీమేక్ కానున్న మరో బాలీవుడ్ మూవీ

ఇదే ఏడాది మే నెలలో బాలీవుడ్‌లో రిలీజైన ఓ సినిమాను తెలుగులో రీమేక్ చేసేందుకు ప్రయత్నాలు జరుగుతున్నాయి. ఇర్ఫాన్ ఖాన్, పాకిస్థానీ నటి సబా ఖమర్ జంటగా నటించిన హిందీ మీడియం సినిమా బాలీవుడ్ విమర్శలు ప్రశంసలు అందుకుని హిట్ సినిమాగా నిలిచింది. ఈ కామెడీ సినిమాను తెలుగులో రీమేక్ చేసేందుకు డైరెక్టర్ నందిని రెడ్డి ప్రయత్నాలు మొదలుపెట్టారు.

ఫిలింనగర్ లేటెస్ట్ అప్‌డేట్స్ ప్రకారం.. హిందీ వెర్షన్‌లో ఇర్ఫాన్ ఖాన్ పోషించిన పాత్రను తెలుగులో విక్టరీ వెంకటేష్ పోషించనున్నాడని తెలుస్తోంది. ప్రస్తుతం ఈ రీమేక్ కోసం హిందీ మీడియం నిర్మాతలతో చర్చలు జరుగుతున్నట్టు సమాచారం. కానీ దీనిపై అధికారికంగా ఇంకా ఎటువంటి ప్రకటన మాత్రం చేయలేదు. అన్నట్టు ఈ రీమేక్‌కి 'తెలుగు మీడియం' అనే టైటిల్ పరిశీలనలో వున్నట్టు టాక్ వినిపిస్తోంది.