బన్నీ కోసం బాలీవుడ్ నుంచి లేడీ కొరియోగ్రాఫర్!

స్టైలిష్ స్టార్ అల్లు అర్జున్ సినిమా అంటేనే ఇరగదీసే డ్యాన్సులకి పెట్టింది పేరు. బన్నీ సినిమాలో అతడి అభిమానులు ఆశించే అంశాల్లో యాక్షన్ సీన్స్ కన్నా ముందుండేది అతడు వేసే వెరైటీ స్టెప్పులే. అందుకే బన్నీ అప్‌కమింగ్ సినిమా కోసం ఓ బాలీవుడ్ లేడీ కొరియోగ్రాఫర్‌ని రంగంలోకి దింపుతున్నారట.

ప్రస్తుతం బన్నీ హీరోగా తెరకెక్కుతున్న నా పేరు సూర్య సినిమాలో ఓ స్పెషల్ నెంబర్‌కి స్టెప్స్ కంపోజ్ చేసేందుకు బాలీవుడ్‌కి చెందిన ప్రముఖ కొరియోగ్రాఫర్స్‌లో ఒకరైన వైభవి మర్చంట్‌ని టాలీవుడ్‌కి రప్పించినట్టు సమాచారం.

వక్కంతం వంశీని డైరెక్టర్ గా పరిచయం చేస్తోన్న ఈ సినిమాను లగడపాటి శ్రీధర్ నిర్మిస్తుండగా స్టైలిష్ స్టార్ సరసన అను ఎమ్మాన్యుయేల్ జంటగా నటిస్తోంది.