చిరు కోసం ఇంతకుముందెప్పుడూ చూడని మాస్ రోల్

మెగాస్టార్ చిరంజీవి ప్రస్తుతం తన 151వ సినిమా 'ఉయ్యాలవాడ నరసింహా రెడ్డి' ప్రీ ప్రొడక్షన్ పనులతో బిజీగా వున్నారు. సురేందర్ రెడ్డి డైరెక్షన్‌లో తెరకెక్కనున్న ఈ చిత్రం తర్వాత చిరు 152వ సినిమాను మాస్, పవర్‌ఫుల్ డైరెక్టర్ బోయపాటి శ్రీను తెరకెక్కించనున్న సంగతి తెలిసిందే. గతంలో భద్ర, తులసి, సింహ, దమ్ము, లెజెండ్, సరైనోడు వంటి మాస్ ఎంటర్‌టైనర్స్‌ని రూపొందించిన బోయపాటి శ్రీనివాస్... ప్రస్తుతం బెల్లంకొండ సాయి శ్రీనివాస్‌తో ఓ సినిమా డైరెక్ట్ చేస్తూనే మరోవైపు చిరంజీవి కోసం స్క్రిప్ట్ రాసుకుంటున్నారట.

చిరు 152వ సినిమా కోసం రాసుకుంటున్న కథను చాలా పవర్‌ఫుల్‌గా తీర్చిదిద్దుతున్నారట బోయపాటి. ముఖ్యంగా చిరంజీవి కోసం బోయపాటి ప్లాన్ చేసిన క్యారెక్టర్ ఆయన్ని ఇంతకు ముందెప్పుడూ లేనంత పవర్‌ఫుల్ పాత్రలో చూపించనుందని సినీవర్గాల టాక్. బోయపాటి రూపొందించే పాత్రలకి ఎంత ఇంటెన్సిటీ వుంటుందనేది సింహ, లెజెండ్ వంటి చిత్రాల్లో హీరో పాత్రలు చూస్తే చెప్పొచ్చు.

బోయపాటి ఏమాత్రం కాంప్రమైజ్ కాకుండా పనిచేశాడంటే.. ఇక మెగా ఫ్యాన్స్‌కి కావాల్సినంత ఫన్ ఫీస్ట్ థియేటర్లలో సిద్ధంగా వున్నట్టే లెక్క! అల్లు అరవింద్ నిర్మించనున్న ఈ సినిమా వచ్చే ఏడాది సెట్స్‌పైకి వెళ్లనుంది.