బ్రహ్మానందం ఖాతాలో లైఫ్ టైమ్ అచీవ్‌మెంట్ అవార్డు

ప్రముఖ హాస్యనటుడు, పద్మశ్రీ బ్రహ్మానందం లైఫ్ టైమ్ అచీవ్‌మెంట్ అవార్డ్ అందుకున్నారు. తెలుగు అకాడమీ 29వ వార్షికోత్సవ వేడుకల సందర్భంగా ఢిల్లీలో జరిగిన అవార్డుల ప్రదానోత్సవం కార్యక్రమంలో ఆయన ఈ అవార్డ్ అందుకున్నారు. వివిధ రంగాల్లో సేవలు అందించిన ప్రముఖులకి ఈ వేదికపై ప్రతిభా భారతి పురస్కారాలు ప్రదానం చేశారు.

ఇదే వేదికపై ప్రముఖ సినీనటులు మురళీమోహన్, తనికెళ్లభరణి, సాయికుమార్, అలీ, రవిబాబు వంటివారు పురస్కారాలు అందుకున్నారు. సామాజిక సేవలో గురుప్రసాద్, వైద్యరంగంలో దశరథ రామారెడ్డి, విద్యారంగంలో రావూరి వెంకటస్వామి, ఆర్థిక రంగంలో మహేష్ వై రెడ్డి వంటి ప్రముఖులు పురస్కారాలు సొంతం చేసుకున్నారు. అసోం గవర్నర్ జగదీశ్ ముఖి, కేంద్రమంత్రి మహేశ్ శర్మ, జస్టిస్ ఎన్వీ రమణ, జస్టిస్ పిఎస్ నారాయణ చేతుల మీదుగా నిర్వాహకులు ఈ అవార్డులు అందించారు.