Gareth Owen: చిరంజీవి బ్ల‌డ్ బ్యాంకులో బ్రిటీష్ డిప్యూటీ హై క‌మీష‌న‌ర్ ర‌క్త‌దానం.. మెగాస్టార్‌పై ప్ర‌శంస‌లు

టాలీవుడ్ అగ్ర క‌థానాయ‌కుడు మెగాస్టార్ చిరంజీవి (Mega star Chiranjeevi) గురించి ప్ర‌త్యేక‌మైన ప‌రిచ‌యం అక్క‌ర్లేదు. ఓ వైపు సినిమాలు చేస్తూనే మ‌రో వైపు సామాజిక కార్య‌క్ర‌మాల్లో త‌న వంతు బాధ్య‌త‌ల‌ను నేర‌వేరుస్తుంటారు. అశేష‌మైన త‌న అభిమాన గ‌ణాన్ని సామాజిక సేవ వైపు మ‌ళ్లించిన హీరో ఆయ‌న‌. చిరంజీవి ట్ర‌స్ట్‌ను స్థాపించి ర‌క్త‌దానం, నేత్ర‌దానం చేయాల‌ని అభిమానుల‌కే కాదు.. ప్ర‌జ‌ల‌కు పిలుపునిచ్చారు. క‌రోనా స‌మ‌యంలోనూ ఇండ‌స్ట్రీలోని సినీ కార్మికుల‌కు అండ‌గా నిలిచారు. శ‌నివారం చిరంజీవి బ్ల‌డ్ బ్యాంకుని (Chiranjeevi Blood Bank) బ్రిటీష్ డిప్యూటీ హై కమీష‌న‌ర్ (British Deputy High Commissioner) గ‌రేత్ ఒవెన్ (gareth Owen) సంద‌ర్శించారు. సంద‌ర్శించ‌ట‌మే కాదండోయే తాను కూడా ర‌క్త‌దానం చేయ‌డం విశేషం. అక్క‌డే ఆయ‌న ప‌లు మార్లు ర‌క్త‌దానం చేసిన మెగాభిమానుల‌ను క‌లుసుకున్నారు. బ్ల‌డ్ బ్యాంకు ప‌ని చేసే తీరుని ఆయ‌న అడిగీ మ‌రి తెలుసుకున్నారు. మెగాస్టార్ చిరంజీవి అభినందించారు.

ఈ సంద‌ర్భంగా చిరంజీవి మాట్లాడుతూ ‘‘తెలంగాణ గ‌వ‌ర్న‌ర్ (Telangana Governer) త‌మిళిసై ద్వారా 20కి పైగా రక్త‌దానం చేసిన వారికి 7 ల‌క్ష‌లున్న భీమా కార్డుల‌ను (Health Insurance cards)) అందించాం. ఇప్పుడు 1500 మందికి గెరేత్ ఒవెన్ చేతుల మీదుగా భీమా కార్డుల‌ను అందిస్తున్నాం. అభిమానులే లేక‌పోతే ఈ కార్య‌క్ర‌మం ఇంత గొప్ప‌గా జీవ న‌దిలాగా జ‌రిగేది కాదు. నా దూర‌పు బంధువు ర‌క్తం అంద‌క చ‌నిపోవ‌టం నాకు బాధ‌ను క‌లిగించింది. అప్పుడు ర‌క్త‌దానం అనే కార్య‌క్ర‌మానికి శ్రీకారం చుట్టాను. నాకు అభిమానులు అండ‌గా నిలిచారు. ఇంకా ఎక్కువ చోట్ల బ్ల‌డ్ బ్యాంకుల‌ను ప్రారంభించ‌మ‌ని చాలా మంది అడిగారు. కానీ నేను వ్య‌క్తిగ‌తంగా వాటిని ప‌ర్య‌వేక్షించాలి. లేకుంటే త‌ప్పు జ‌రిగి ఏదైనా అయితే అది న‌న్ను ఇంకా బాధిస్తుంది. అయినా కూడా నా అభిమానులు ఇంకా ప్ర‌తి చోటా మా బ్ల‌డ్ బ్యాంకు ఉన్న‌ట్లే’’ అన్నారు.

ఇక సినిమాల విష‌యానికి వ‌స్తే.. ప్ర‌స్తుతం చిరంజీవి టైటిల్ పాత్ర‌లో న‌టిస్తోన్న చిత్రం వాల్తేరు వీర‌య్య‌ (Waltair Veerayya). రానున్న సంక్రాంతికి (Sankranthi 2023)సినిమా రిలీజ్ అవుతుంది. బాబి (Director Bobby) డైరెక్ష‌న్‌లో మైత్రీ మూవీ మేక‌ర్స్ ఈ సినిమాను నిర్మిస్తుంది. శ్రుతీ హాస‌న్ (Shruti Haasan) హీరోయిన్‌గా న‌టించింది. త్వ‌ర‌లోనే వాల్తేరు వీర‌య్య రిలీజ్ డేట్‌ను అధికారికంగా మేక‌ర్స్ ప్ర‌క‌టించనున్నారు. ఈ చిత్రంలో చిరంజీవితో పాటు మాస్ మ‌హారాజా ర‌వితేజ (Ravi Teja) కూడా న‌టించ‌నున్నారు.

• Read Tollywood Updates & Telugu News