పవర్ స్టార్ పవన్కల్యాణ్ లేటెస్ట్ మూవీ ‘అజ్ఞాతవాసి’లోని ఓ పాట వివాదంలో చిక్కుకుంది. సినిమాలోని ‘కొడకా కోటేశ్వర్రావు..’ అంటూ సాగే పాటపై అభ్యంతరం వ్యక్తం చేస్తూ కోటేశ్వర్రావు అనే లాయర్ విజయవాడలోని మాచవరం పోలీస్ స్టేషన్లో ఫిర్యాదు చేశారు. ఆ పాట కోటేశ్వర్ రావు అనే పేరు గల వ్యక్తుల మనోభావాలను కించపరిచేలా ఉందని ఆయన ఆరోపించారు. ఆ పాటలో నుంచి ‘కోటేశ్వర్ రావు’ పదాన్ని తొలగించాలని ఆయన డిమాండ్ చేస్తున్నారు.
‘కొడకా కోటేశ్వర్ రావు పాట ఆ పేరుగల వారందరినీ కించపరిచేలా ఉంది. అంతేకాకుండా పరమశివుడి పేరును అవహేళన చేసేలా అది ఉంది. ఈ పాటతో పవన్.. మా మనోభావాలను దెబ్బతీశారు. ఇది పబ్లిసిటీ కోసం ఎంతమాత్రం కాదు. మానసిక క్షోభకు గురవడం వల్లే ఫిర్యాదు చేశా’ అని లాయర్ కోటేశ్వర్ రావు అన్నారు.
చదవండి: ‘అజ్ఞాతవాసి’ సినిమా రివ్యూ
‘కొడకా చిరంజీవి, కొడకా త్రివిక్రమ్..’ అని ఎందుకు పెట్టుకోలేకపోయారని లాయర్ ప్రశ్నించారు. పాటలో నుంచి కోటేశ్వర్ రావు పదాన్ని తొలగించకుంటే సినిమాను అడ్డకుంటామని ఆయన హెచ్చరించారు. తెలుగు రాష్ట్రాల్లో ఉన్న కోటేశ్వర రావులందరూ ఏకం కావాలంటూ ఆయన పిలుపునిచ్చారు.
తనకు సినిమాలకు సంబంధించిన అవగాహన చాలా తక్కువ అని, అందుకే ఆ పాటలో తన పేరును కించపరిచేలా లిరిక్స్ ఉన్న విషయాన్ని ఆలస్యంగా గుర్తించానని ఫిర్యాదుదారు తెలిపారు. ‘ఇటీవలే మా ఇంటికి బంధువుల పిల్లలు వచ్చారు. వారు అదే పనిగా కొడకా.. కోటేశ్వర్ రావు.. అంటూ పాడుతున్నారు. అది చూసి నా పిల్లలు మానసికంగా కుంగిపోయారు. కోటేశ్వర్ రావు పేరుగల వారందరికీ ఇలాంటి దుస్థితే ఎదురవుతోంది’ అని ఆయన చెప్పుకొచ్చారు.
పవన్ కళ్యాణ్ స్వయంగా పాడిన ఈ మాస్ బీట్.. సోషల్ మీడియాలో ఇప్పటికే వైరల్గా మారిన విషయం తెలిసిందే. ‘అజ్ఞాతవాసి’ సినిమా బుధవారం (జనవరి 10) థియేటర్లలో సందడి చేయనుండగా.. ఆ చిత్రంలోని పాట వివాదాస్పదంగా మారడం శోచనీయం.
‘కొడకా కోటేశ్వర్ రావు పాట ఆ పేరుగల వారందరినీ కించపరిచేలా ఉంది. అంతేకాకుండా పరమశివుడి పేరును అవహేళన చేసేలా అది ఉంది. ఈ పాటతో పవన్.. మా మనోభావాలను దెబ్బతీశారు. ఇది పబ్లిసిటీ కోసం ఎంతమాత్రం కాదు. మానసిక క్షోభకు గురవడం వల్లే ఫిర్యాదు చేశా’ అని లాయర్ కోటేశ్వర్ రావు అన్నారు.
చదవండి: ‘అజ్ఞాతవాసి’ సినిమా రివ్యూ
‘కొడకా చిరంజీవి, కొడకా త్రివిక్రమ్..’ అని ఎందుకు పెట్టుకోలేకపోయారని లాయర్ ప్రశ్నించారు. పాటలో నుంచి కోటేశ్వర్ రావు పదాన్ని తొలగించకుంటే సినిమాను అడ్డకుంటామని ఆయన హెచ్చరించారు. తెలుగు రాష్ట్రాల్లో ఉన్న కోటేశ్వర రావులందరూ ఏకం కావాలంటూ ఆయన పిలుపునిచ్చారు.
తనకు సినిమాలకు సంబంధించిన అవగాహన చాలా తక్కువ అని, అందుకే ఆ పాటలో తన పేరును కించపరిచేలా లిరిక్స్ ఉన్న విషయాన్ని ఆలస్యంగా గుర్తించానని ఫిర్యాదుదారు తెలిపారు. ‘ఇటీవలే మా ఇంటికి బంధువుల పిల్లలు వచ్చారు. వారు అదే పనిగా కొడకా.. కోటేశ్వర్ రావు.. అంటూ పాడుతున్నారు. అది చూసి నా పిల్లలు మానసికంగా కుంగిపోయారు. కోటేశ్వర్ రావు పేరుగల వారందరికీ ఇలాంటి దుస్థితే ఎదురవుతోంది’ అని ఆయన చెప్పుకొచ్చారు.
పవన్ కళ్యాణ్ స్వయంగా పాడిన ఈ మాస్ బీట్.. సోషల్ మీడియాలో ఇప్పటికే వైరల్గా మారిన విషయం తెలిసిందే. ‘అజ్ఞాతవాసి’ సినిమా బుధవారం (జనవరి 10) థియేటర్లలో సందడి చేయనుండగా.. ఆ చిత్రంలోని పాట వివాదాస్పదంగా మారడం శోచనీయం.