విజయ్ దేవరకొండ సినిమాకు ఆర్టిస్ట్స్ కావలెను

పెళ్లి చూపులు సినిమాతో టాలీవుడ్‌లో సైలెంట్‌గా బ్లాక్ బస్టర్ హిట్ కొట్టిన నటుడు విజయ్ దేవరకొండ. అంతకన్నా ముందు సుబ్రహ్మణ్యం ఫర్ సేల్ సినిమాలో ఓ సాధారణ పాత్రలో నటించిన విజయ్ దేవరకొండకి పెళ్లి చూపులు సినిమా స్టార్ స్టేటస్‌ని తెచ్చిపెట్టడమే కాకుండా ఆ తర్వాత మరిన్ని అవకాశాలని సంపాదించిపెట్టింది.

తరుణ్‌ భాస్కర్ దర్శకత్వంలో తెరకెక్కిన పెళ్ళి చూపులు చిత్రంతో హీరోగా మంచి గుర్తింపు తెచ్చుకున్న విజయ్ దేవరకొండ త్వరలోనే అర్జున్ రెడ్డి అనే సినిమాతో మరోసారి ఆడియెన్స్ ముందుకొచ్చేందుకు రెడీ అవుతున్నాడు. అర్జున్ రెడ్డితోపాటు ప‌ర‌శురాం ద‌ర్శ‌క‌త్వంలో ఒకటి, నందిని రెడ్డితో మరొక సినిమాకు సైన్ చేశాడు విజయ్ దేవరకొండ.

ఇదిలావుంటే, ఈ చిత్రాలకి సంబంధించిన ప్రీ ప్రొడక్షన్ పనులు జరుగుతుండగానే తాజాగా బిగ్‌బెన్ బ్యానర్‌పై యశ్ రంగినేని నిర్మిస్తున్న మరొక సినిమా చేసేందుకు అంగీకరించాడు ఈ యంగ్ హీరో. విజయ్ దేవరకొండ హీరోగా ఈ సినిమాను డైరెక్ట్ చేయనున్న భరత్ కమ్మ తమ సినిమాకి అవసరమైన నటీనటుల కోసం ఆడిషన్స్ నిర్వహిస్తున్నట్టు తన ఫేస్‌బుక్ పోస్ట్ ద్వారా తెలిపారు. ఆసక్తిగల ఔత్సాహిక ఆర్టిస్టులు ఏ వయస్సువారైనా ఈ ఆడిషన్స్‌కి హాజరు కావచ్చని డైరెక్టర్ భరత్ కమ్మ తన ఫేస్‌బుక్ పోస్టులో పేర్కొన్నారు.