Casting Call: మీకు సినిమాల్లో నటించాలనే కోరిక ఉందా..? అద్భుత అవకాశం

ఎంతో మందికి సినిమాల్లో నటించాలనే కోరిక ఉండి.. ఎవరిని సంప్రదించాలో తెలియక ఇబ్బంది పడుతుంటారు. ఒక్క ఛాన్స్.. ఒకే ఒక్క ఛాన్స్ అంటూ ఎందరో సినిమా ఆఫీసుల చుట్టూ తిరిగి తిరిగి అలసిపోయి ఉంటారు. అలాంటి వారికి అద్భుత అవకాశం కల్పిస్తోంది సితార ఎంటర్‌టైన్‌మెంట్స్. ఆ సంస్థ త్వరలో నిర్మించేబోయే సినిమాలో నూతన నటీనటులకు ఛాన్స్ ఇస్తోంది. టాలెంట్ ఉండి.. ఇంట్రెస్ట్ ఉన్నవాళ్లు ఈ అవకాశాన్ని వినియోగించుకోండి.

'మా నెక్ట్స్ మూవీలో నటించాలనుకునే వారికి అద్భుత అవకాశం ఎదురుచూస్తోంది. మీ టాలెంట్‌ను నిరూపించుకోండి.. మా సినిమా (Production 18) లో ఛాన్స్ కొట్టేయండి. అందరం కలిసి ప్రేక్షకులకు అద్భుతమైన జ్ఞాపకాన్ని సృష్టిద్దాం. ఆడిషన్ క్లిప్‌ను casting@sitharaents.com మెయిల్ పంపించండి..' అంటూ సితార ఎంటర్‌టైన్‌మెంట్స్ ట్వీట్ చేసింది.

అయితే ఇందుకు కొన్ని కండీషన్స్ పెట్టింది ఆ సంస్థ. కాలేజీ నేపథ్యంలో తెరకెక్కించే మూవీకి కోసం కేవలం యువతకు మాత్రమే అవకాశం కల్పిస్తోంది. పురుషులు వయసు 18 నుంచి 24 మధ్య, అమ్మాయిల వయసు 16 ఏళ్ల నుంచి 24 మధ్య ఉండాలి. ఆసక్తి ఉన్న వాళ్లు తమ టాలెంట్‌ను ప్రూవ్ చేసుకునేలా.. ఒక నిమిషంలో వీడియో క్లిప్‌ను తీసి పంపించాలి. అయితే టిక్‌టాక్ వీడియోలు, ఇన్‌స్టాగ్రామ్ రీల్స్ క్లిప్పింగ్స్‌ను రిజెక్ట్ చేస్తారు. వీడియో క్లిప్పింగ్‌ను 8801990954 నంబరుకు వాట్సాప్ ద్వారా కూడా పంపించవచ్చు.