సామ్ చేసే పని చైతూకి నచ్చట్లే!! సో...

అక్కినేని నాగచైతన్య, సమంతల ప్రేమకు త్వరలోనే పెళ్లి భాజాలు మోగనున్నాయి. సమంత ఎప్పటికప్పుడు తమ ప్రేమ బంధాన్ని అభిమానులతో పంచుకోవడానికి ఇష్టపడుతుంది. తరచూ చైతుతో తన మూమెంట్స్‌ను సోషల్ మీడియాలో షేర్ చేస్తూ ఉంటుంది.

సమంత రెగ్యులర్‌గా పోస్ట్ చేసే ఈ ఫోటోలను చైతు పెద్దగా షేర్ చేయడు. ఈ విషయమై చైతు స్పందిస్తూ.. నా పెర్శనల్ విషయాలు నా వరకు ఉండటానికే ఇష్టపడతాను. కానీ సమంతకి మాత్రం మా ఇద్దరి ఫోటోలు పోస్ట్ చేయడమంటే చాలా ఇష్టం. నాకు తెలిసేలోపే ఫోటోలు తీసి నెట్‌లో పోస్టులు కూడా పెట్టేస్తుంది. తన ఇష్టాన్ని కాదనలేను. అలా అని వాటిని నేను షేర్ చేయలేను అని చెప్పారు.

చైతుకి మొదట్లో వీటి గురించి ఎవరైనా ప్రస్తావించినప్పుడు చాలా ఇబ్బందిగా ఉండేదట. ఇప్పటికీ కూడా చొరవ తీసుకొని మాట్లాడలేనని అంటున్నారు. ఎవరైనా తమ ప్రేమ గురించి మాట్లాడితే నవ్వేసి ఊరుకుంటానని స్పష్టం చేశారు. మొత్తానికి తన ప్రేయసి కోసం వంట చేసి పెట్టి, తనతో కలిసి టూర్స్ కు వెళ్ళి పూర్తి సమయాన్ని ఆమె కోసం కేటాయించడం వంటివి చేస్తూ ప్రేమికులకు గోల్స్ సెట్ చేస్తున్నాడు.