Chatrapathi Sekhar Reveals Interesting Facts About Jr Ntr Role In Rrr
RRR: ‘‘తారక్‌ను మూడు గెటప్స్‌లో చూశాను, ఫ్యాన్స్‌కి పండగే’’
దర్శకధీరుడు ఎస్.ఎస్ రాజమౌళి ప్రతిష్ఠాత్మకంగా తెరకెక్కిస్తున్న చిత్రం ‘ఆర్ ఆర్ ఆర్’. రామ్ చరణ్, ఎన్టీఆర్ ప్రధాన పాత్రల్లో నటిస్తు్న్నారు. షూటింగ్ శరవేగంగా జరుగుతోంది. ఇటీవల బాలీవుడ్ నటుడు అజయ్ దేవగణ్ సెట్స్‌లోకి అడుగుపెట్టారు. అయితే ఈ సినిమాలో ‘ఛత్రపతి’ శేఖర్ కీలక పాత్రలో నటించారు. సినిమా గురించి, ఇందులో తారక్ లుక్ గురించి ఆసక్తికర విషయాలను పంచుకున్నారు.
Samayam Telugu30 Jan 2020, 8:49 am
దర్శకధీరుడు ఎస్.ఎస్ రాజమౌళి ప్రతిష్ఠాత్మకంగా తెరకెక్కిస్తున్న చిత్రం ‘ఆర్ ఆర్ ఆర్’. రామ్ చరణ్, ఎన్టీఆర్ ప్రధాన పాత్రల్లో నటిస్తు్న్నారు. షూటింగ్ శరవేగంగా జరుగుతోంది. ఇటీవల బాలీవుడ్ నటుడు అజయ్ దేవగణ్ సెట్స్‌లోకి అడుగుపెట్టారు. అయితే ఈ సినిమాలో ‘ఛత్రపతి’ శేఖర్ కీలక పాత్రలో నటించారు. సినిమా గురించి, ఇందులో తారక్ లుక్ గురించి ఆసక్తికర విషయాలను పంచుకున్నారు.
Samayam TeluguRRR: ‘‘తారక్‌ను మూడు గెటప్స్‌లో చూశాను, ఫ్యాన్స్‌కి పండగే’’
తారక్ ఫ్యాన్స్‌కి పండగే..
‘‘ ‘ఆర్ ఆర్ ఆర్’లో నేను ఎక్కువగా తారక్ పక్కనే ఉంటాను. తారక్‌కు స్నేహితుడి పాత్రలో మాత్రమే కనిపిస్తాను. నా గెటప్ నార్మల్‌గానే ఉంటుంది. నేను ఈ సినిమా గురించి ఎక్కువగా మాట్లాడకపోవడమే మంచిది. నేను గిరిజన ప్రాంతానికి చెందిన వ్యక్తి పాత్రలో నటిస్తాను. నేను ఎన్టీఆర్‌ని సినిమాలో రెండు మూడు గెటప్స్‌లో చూశాను. ఒక్కో గెటప్‌లో చాలా డిఫరెంట్‌గా ఉన్నారు. ఆ గెటప్స్ గురించి నేను వివరించలేను కానీ నాకైతే సూపర్‌ అనిపించారు. చరణ్ గారితో ఒక్క సన్నివేశంలోనే నటించాను’’
త్రిమూర్తులతో బాలీవుడ్ స్టార్
ఇటీవల బాలీవుడ్ నటుడు అజయ్ దేవగణ్ సెట్స్‌లోకి అడుగుపెట్టారు. రాజమౌళి ఆయన్ను సాధరంగా ఆహ్వానించారు. అజయ్‌కు షేక్‌హ్యండ్ ఇస్తున్న ఫొటోను ఆయన సోషల్ మీడియాలో పంచుకున్నారు. ఇప్పుడు అజయ్‌తో కలిసి దిగిన ఫొటోను తారక్, చరణ్ అభిమానులతో పంచుకున్నారు. తారక్, చరణ్, రాజమౌళి, అజయ్ కలిసి దిగిన ఫొటోను తారక్ ఇన్‌స్టాగ్రామ్ ద్వారా పంచుకున్నారు. ‘ఆర్ ఆర్ ఆర్ ప్రపంచంలోకి స్వాగతం డియర్ అజయ్ దేవగణ్ గారు’ అని క్యాప్షన్ ఇచ్చారు.
మీకు వీరాభిమానిని సర్.
అయితే చరణ్... అజయ్ దేవగణ్, తారక్‌లతో కలిసి దిగిన ఫొటోను ఇన్‌స్టాగ్రామ్‌లో పోస్ట్ చేశారు. ‘ఆర్ ఆర్ ఆర్ సెట్స్‌లోకి వెల్‌కం అజయ్ సర్. మీ వర్క్ అంటే నాకు చాలా ఇష్టం. మీ పర్సనాలిటీకి వీరాభిమానిని. ‘ఆర్ ఆర్ ఆర్’లో మీరు కూడా భాగమైనందుకు సంతోషిస్తున్నాం’ అని తెలిపారు. మరో విషయం ఏంటంటే.. తారక్, చరణ్ ఇన్‌స్టాగ్రామ్‌లో పోస్ట్ చేసిన ఫొటోలకు మూడు లక్షలకు పైగా లైక్స్ వచ్చాయి.
పోలీస్ గెటప్‌లో చెర్రీ
‘ఆర్ ఆర్ ఆర్’ సినిమాకు సంబంధించి ఓ ఆసక్తికరమైన అప్‌డేట్ సోషల్ మీడియాలో వైరల్ అవుతోంది. ఇందులో చరణ్ పోలీసు పాత్రలో కనిపించనున్నారట. అది కూడా ఈ పాత్ర కేవలం ఐదు నిమిషాలే ఉంటుందట. టీం నుంచి ఏదన్నా అప్‌డేట్ వచ్చేవరకు ఇలాంటి రూమర్స్ పుట్టుకొస్తూనే ఉంటాయి. దాంతో సినిమాకు కావాల్సినంత ప్రమోషన్ దొరుకుతుంది. అందుకే రాజమౌళి కూడా సినిమా గురించి వస్తున్న రూమర్స్‌లో నిజమెంత అన్న విషయం గురించి ఎక్కువగా స్పందించరు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
