కత్రినాకైఫ్.. కిల్లర్ లుక్!

ఐదేళ్ల కిందట వచ్చిన ‘ఏక్ థా టైగర్’ సినిమా మిక్స్డ్ రివ్యూలనే ఎదుర్కొంది. అయితే సల్మాన్ కెరీర్ పీక్స్ లో ఉన్న సమయంలో వచ్చిన ఈ సినిమా కలెక్షన్లను మాత్రం భారీ స్థాయిలో పొందింది. భారీ వసూళ్లను సాధించిన సినిమాగా నిలిచింది. ఆ క్రేజ్ ను క్యాష్ చేసుకోవడానికి ఇప్పుడు దానికి సీక్వెల్ వస్తోంది. ఈ సినిమాతో మరోసారి సల్లూ, కత్రినాలు జతకట్టారు. ‘టైగర్ జిందా హై’ పేరుతో రూపొందుతున్న ఈ సినిమాకు సంబంధించి తాజాగా హీరోయిన్ కత్రినాకైఫ్ ఫస్ట్ లుక్ ను విడుదల చేశారు.

సినిమాలో జోయా పాత్రలో కనిపిస్తోంది కత్రినా. చేతిలో వెపన్ ను పట్టుకున్నా.. దాని అవసరం లేకుండా చూపులతోనే చంపేసేలా ఉంది ఈ లుక్. ఏక్ థా టైగర్ లో కత్రినా పాకిస్తానీ స్పైగా నటించింది. మరి ఈ సీక్వెల్ వెర్షన్లోనూ అదే తరహాలో కనిపించనుందని ఈ ఫస్ట్ లుక్ తోనే క్లారిటీ వస్తోంది. ఈ సినిమా డిసెంబర్ 22న విడుదల కానుంది.