Chiranjeevi : మెగాస్టార్ అంటే మామూలుగా ఉండదు మరి.. ఆ భాషలోనూ ‘గాడ్ ఫాదర్’ రిలీజ్
God Father: మెగాస్టార్ చిరంజీవి సెకండ్ ఇన్నింగ్స్లో వరుసగా క్రేజీ ప్రాజెక్ట్స్ సెట్ చేస్తున్నారు. ఆయన సినిమాల లైనప్ చూసి ఈ జనరేషన్ హీరోలతో పాటు ఇండస్ట్రీ వర్గాలవారు కూడా ఆశ్చర్యపోతున్నారు. ప్రస్తుతం చిరు చేతిలో ‘గాడ్ ఫాదర్’, ‘భోళా శంకర్’, ‘వాల్తేరు వీరయ్య’ సినిమాలున్నాయి. దసరా కానుకగా ‘గాడ్ ఫాదర్’ అక్టోబర్ 5న గ్రాండ్గా రిలీజ్ కానుంది. ఈ నేపథ్యంలో చిరు ప్రమోషన్స్ స్పీడప్ చేశారు. ప్రస్తుతం ప్రీ రిలీజ్ ఈవెంట్కి ఏర్పాట్లు చేస్తున్నారు.
ప్రధానాంశాలు:
- దసరా కానుకగా గాడ్ ఫాదర్
- ప్రమోషన్స్ స్పీడప్ చేసిన చిరు
- భారీగా ప్రీ రిలీజ్ ఈవెంట్
Chiranjeevi: మెగాస్టార్ చిరంజీవి జెట్ స్పీడ్తో సినిమాలు చేస్తున్నారు. ఏజ్ అనేది జస్ట్ నంబర్ మాత్రమే అన్నట్టు రెట్టింపు ఉత్సాహంతో ఒకేసారి మూడు సినిమాలు పట్టాలెక్కించారు. వాటిలో ఒకటైన ‘గాడ్ ఫాదర్’ దసరా కానుకగా అక్టోబర్ 5న ప్రేక్షకుల ముందుకు రానుంది. మలయాళంలో ‘ది కంప్లీట్ యాక్టర్’ మోహన్ లాన్ నటించగా సెన్సేషనల్ హిట్ అయిన ‘లూసిఫర్’ రీమేకే ఈ ‘గాడ్ ఫాదర్’ అనే విషయం తెలిసిందే. ప్రముఖ నిర్మాత ఎడిటర్ మోహన్ పెద్ద కుమారుడు మోహన్ రాజా ‘హనుమాన్ జంక్షన్’ తో దర్శకుడిగా పరిచయమయ్యాడు. తర్వాత తమిళ్లో పలు సూపర్ హిట్ సినిమాలు చేశాడు. తమ్ముడు ‘జయం’ రవి హీరోగా ‘తని ఒరువన్’ అనే బ్లాక్ బస్టర్ తీసిన మోహన్ రాజాను.. ఆ సినిమా తెలుగు రీమేక్ ‘ధృవ’ కోసం టాలీవుడ్కి తీసుకొచ్చారు అల్లు అరవింద్.. ఆయన వర్క్ నచ్చడంతో ఈ ‘గాడ్ ఫాదర్’ బాధ్యతలు అప్పగించారు.
సూపర్ గుడ్ ఫిల్మ్స్, కొణిదెల ప్రొడక్షన్స్ బ్యానర్ల మీద ఆర్.బి.చౌదరి, ఎన్.వి.ప్రసాద్, మెగా పవర్ స్టార్ రామ్ చరణ్ నిర్మిస్తున్నారు. యంగ్ మ్యూజిక్ సెన్సేషన్ థమన్ సంగీతమందిస్తున్నాడు. బాలీవుడ్ మెగాస్టార్ సల్మాన్ ఖాన్ ఇంపార్టెంట్ క్యారెక్టర్ చేశారు. చిరుతో కలసి స్టెప్పులేసి ‘తార్ మార్’ సాంగ్ ఇటీవల రిలీజ్ చెయ్యగా మంచి రెస్పాన్స్ వచ్చింది. సౌత్ స్టార్ నయనతార, సత్యదేవ్ కీలకపాత్రల్లో కనిపించనున్నారు.
తెలుగుతో పాటు హిందీలోనూ రిలీజ్ చేస్తున్నారు. లేటెస్ట్ బజ్ ఏంటంటే.. ‘గాడ్ ఫాదర్’ మూవీని మలయాళంలో డబ్ చేసి విడుదల చెయ్యబోతున్నారట. దీంతో.. ‘‘మలయాళం ‘లూసిఫర్’ ని ఓటీటీలో చూశాం.. తెలుగులో డబ్ చేసి అప్లోడ్ చేస్తే అది కూడా చూశాం.. తెలుగులో డబ్ చేసిన మలయాళం సినిమాని తెలుగులో రీమేక్ చేసి మలయాళంలో డబ్ చేసి రిలీజ్ చేస్తే ఎవరు చూస్తారు?’’ అనే కామెంట్స్ వినిపిస్తున్నాయి.
జనరల్గా ఓ భాషలో హిట్ అయిన మూవీని మరో భాషలో రీమేక్ చేయడం అనేది కత్తికి రెండు వైపులా పదునులాంటిది.. స్టోరీలోని సోల్ మిస్ కాకుండా.. ఆ భాష, ప్రాంతం యొక్క నేటివిటీకి తగ్గట్టు అవసరమైన మార్పులు, చేర్పులు చేస్తూ చాలా కేర్ తీసుకుని తెరకెక్కిస్తారు. ‘లూసిఫర్’ ని కూడా తెలుగు నేటివిటీకి తగిన మార్పులతో మోహన్ రాజా రూపొందించాడని.. అతని వర్క్కి, వచ్చిన ఔట్పుట్కి టీమ్ అంతా హ్యాపీగా ఉన్నారనే టాక్ ఫిలింనగర్లో వినిపిస్తోంది.
ఏమో ఒకవేళ ఒరిజినల్ వెర్షన్ స్టోరీకి ఏదైనా సాలిడ్ సస్పెన్స్ లాంటిది యాడ్ చేస్తే అక్కడి ఆడియన్స్ కూడా చూస్తారేమో చెప్పలేం కదా.. ఇటీవల ‘ఆచార్య’ తో నిరాశపరచిన చిరు ‘గాడ్ ఫాదర్’ తో ఫెస్టివల్ ట్రీట్ ఇస్తారని ఫ్యాన్స్ ఈగర్గా వెయిట్ చేస్తున్నారు. ‘గాడ్ ఫాదర్’ రిలీజ్ తర్వాత ‘భోళా శంకర్’, ‘వాల్తేరు వీరయ్య’ సినిమాలపై ఫోకస్ పెట్టనున్నారు మెగాస్టార్..
తెలుగుతో పాటు హిందీలోనూ రిలీజ్ చేస్తున్నారు. లేటెస్ట్ బజ్ ఏంటంటే.. ‘గాడ్ ఫాదర్’ మూవీని మలయాళంలో డబ్ చేసి విడుదల చెయ్యబోతున్నారట. దీంతో.. ‘‘మలయాళం ‘లూసిఫర్’ ని ఓటీటీలో చూశాం.. తెలుగులో డబ్ చేసి అప్లోడ్ చేస్తే అది కూడా చూశాం.. తెలుగులో డబ్ చేసిన మలయాళం సినిమాని తెలుగులో రీమేక్ చేసి మలయాళంలో డబ్ చేసి రిలీజ్ చేస్తే ఎవరు చూస్తారు?’’ అనే కామెంట్స్ వినిపిస్తున్నాయి.